Dünən səhər saatlarından düşmən təxribatlarının qarşısını almaq üçün Azərbaycan Ordusu Ermənistan qüvvələrinə sarsıdıcı zərbələr endirir. Hazırkı məlumata görə 7 kınd və bir neçə strateji yüksəklik azad edilib.
Cənubi Koreyanın Hankuk universitetinin professoru, politoloq Rövşən İbrahimov öz "Facebook" hesabında yaranmış vəziyyətlə bağlı öz fikirlərini paylaşıb.
"2016-ci ildən etibarən belə məlum olur ki, Azərbaycan Qarabağ münaqişəsi ilə əlaqədar olaraq yeni strateji və taktiki sxem tədbiq edir"
Politoloq Azərbaycanın mümkün addımlarını sadalayıb:
"-Azərbaycan yüksək və dəqiq texnolojik silahlardan istifadə edir. Beləliklə, həm düşmənə daha böyük itkilər verir, həm də canlı güvvəmizi qoruyur.
-Mərhələli torpaqlarımızın azad edilməsi. Buraya strateji nöqtələr, yüksəkliklər, nəzarət bağları aiddir".
Rövşən İbrahimov Azərbaycanın Rusiya amilinə də nəzərə aldığını qeyd edib.
"Azərbaycan bunu beynəlxalq arenadakı reaksiyanı yaxşı ölçərək edir. Aydın məsələdir ki, münaqişənin arxasında Rusiya durur və Azərbaycana Qarabağ problemini tam həll eləməyə imkan verməyəcək. Lakin, məhdudiyyətli uğurlara və torpaqların alınmasına etiraz etməyəcək, çünki başa düşür ki, Azərbaycana uğur lazımdır və yaranan gərginliyi aradan qaldırmaq zərurəti var".
Politoloq həm də düşünür ki, bu vəziyyətdə Rusiya nə etdiyi aydın olmayan Paşinyan hökümətini cəzalandırmaq imkanını da əldə edir. O, bildirir ki, Azərbaycan irəlilədiyi stiqamətlərdə möhkəmlənə biləcəyi şəkildə bir neçə məqsədinə nail ola biləcək.
Burada isə Azərbaycan həm strateji yerləri ələ keçirə biləcək və Ermənistana artıq 1991-1994-cü illərin olmadığını yəni heç kimin onlara kömək etməyəcəyini sübut edə biləcək
"Çox məntiqli və yaxşı düşünülmüş strategiyadır. Nə olacaq?
-Bu növ gərginliklər zaman zaman olacaq. Xocalıdakı hava limanı yox edilməli. Sarsanq su anbarı azad edilməli, yeni tikilən qeyri-qanuni məskənlər, eyni zamanda Ermənistanla Qarabağ arasındakı yollar dağıdılmalıdır.
-Qarabağdakı Ermənilərin qaçışı sürətlənəcək. Heçkim etibarlsız yerlərdə məskən salmaq istəməz. Ona görə də, təbii yolla orası boşalacaq.
-Ermənistanda daxili qeyrisabitlik möhkəmlənəcək. Güc mübarizəsi onların başını qarışdıracaq. Həm də bu onları ona görə sarsıdacaq ki, başa düşəcəklər ki, heç məhməri inqilaba da etibar eləmək olmaz.
-Ermənistanın özündən də əhali gedişi sürətlənəcək. Hələ hələ hərbi səfərbərlik elan edildiyi zaman. İndi sərhədlər bağlıdır deyə, gənclər qaça bilmir, açılan kimi sürüşəcəklər.
-Ermənilərin məğlubolunmaz eyforiyası yavaş da olsa, aradan qalxacaq. Milli moral aşağı səviyyəyə düşəcək.
-Ermənilər hərbi xərcləmələri artırmağa məcbur olacaq, bu onların iqtisadiyyatına daha da böyük mənfi təsir edəcək.
-Ermənilər başa düşəcək ki, bu növ hərbi əməliyyatlar gələcəkdə də olacaq. Eyni vaxtda həm Qarabağın hər bir nöqtəsi, həm də Ermənistan vurula bilər. Həm də belə məhdudiyyətli əməliyyatlar aparılsa, heçkim onların köməyinə gəlməyəcək".