"Ermənilər Azərbaycan tərəfini ermənilərə qarşı soyqırımı etməkdə və ya Azərbaycan tərəfinin onların müqəddəs yerlərini, kilsələrini dağıtmaqda günahlandırdıqda, ilk növbədə faktlara əsaslanmalıdırlar. Bu gün işğaldan azad edilmiş Qarabağda nələrin baş verdiyini görürük. Məscidlərin donuz tövləsinə çevrildiyini, kütləvi vandalizmin törədildiyini, qəbiristanlıqların necə dağıdıldığını, müsəlman ziyarətgahlarının məhv edildiyini görürük. Hər kəs öz ağlına görə fikir yürüdür, mən erməni tərəfinin bütün ittihamlarını belə təsvir edərdim. Erməni tərəfinin hər bir ittihamını ayrı-arılıqda diqqətlə nəzərdən keçirsək heç bir şey görməyəcəyik, çünki danışdıqlarının və Azərbaycan tərəfini nədə ittiham etdiklərinin birbaşa sübutu yoxdur. Azərbaycan xalqının bütün tarixi bu xalqın nə qədər tolerant, multikultural və təmkinli olduğunu göstərir, bu səbəbdən də Azərbaycan tərəfini bu cür cinayətlərdə ittiham etmək üçün heç bir əsas yoxdur", - Mixail Finkel bildirib.
M.Finkel dünya ictimaiyyətinin biganəliyindən danışarkən qeyd etdi ki, hazırda anti-semitizm kimi Azərbaycanafobiya da var: "Dünyada türkləri və yəhudiləri sevmirlər. İkinci faktor isə budur ki, Azərbaycan müsəlman ölkədir və onun dünyəvi olması belə heç nəyi dəyişmir. İstənilən münaqişənin kökündə din amili durur. Bütün dövrlər ərzində dünyada özününkü və başqası olaraq bölgü yaranıb. İsraili bir qayda olaraq sevmirlər. Buna baxmayaraq, biz daha da güclənir və ağıllı oluruq. Sizə də bunu bu cür başa düşməyi arzulayıram. Dünya ictimaiyyətindən ədalət gözləməyin".
Ekspert Ermənistana qarşı təzminatın irəli sürülməsi barədə danışarkən bildirib ki, əgər Azərbaycan düzgün siyasət yürüdərsə təzminatın ödənilməsinə nail ola bilər: "Bu baxımdan, ABŞ, Avropa və İsraildən olan şirkətlərlə əməkdaşlıq etmək olar. İsrail “Holokost”a görə Almaniyadan, mülkiyyətin itirilməsinə görə isə bəzi Avropa ölkələrindən təzminat ala bilmişdi. Bu zaman bank hesablarının dondurulması, rahat səyahət edə bilməmək kimi məhdudiyyətlər qoyula bilər. Bunun üçün ən yaxşı hüquqşünaslar lazımdır".
Eurasia Diary beynəlxalq hüquq və beynəlxalq siyasət üzrə ekspert Mixail Finkel ilə müsahibəni təqdim edir.
Cəmilə Çebotareva
