İsrail-Fələstin münaqişəsi alovlanır - Netanyahunun gediş sancıları... | Eurasia Diary - ednews.net

15 İyun, Çərşənbə axşamı


İsrail-Fələstin münaqişəsi alovlanır - Netanyahunun gediş sancıları...

Analitika A- A A+

"Fələstin məsələsində növbəti gərginləşmə bu konfliktin kökündə dayanan məlum səbəblə yanaşı, həm də İsrail daxili siyasətindəki gəlişmələrdən qaynaqlanır".

Eurasia Diary xəbər verir ki, bu sözləri politoloq Şahin Cəfərli öz Facebook səhəfsində qeyd edib.

Politoloq Netanyahunun 28 gün ərzində hökuməti qura bilmədiyini və prezidentin bu hüququ onun siyasi düşmənlərinə verdiyini bildirib: "51 millət vəkilinin baş nazirliyə namizədi Yair Lapid sağ cinahın önəmli simalarından Naftali Bennet ilə də anlaşdı və koalisiyanın say tərkibini 58-ə yüksəltdi. İndi 3 səsə ehtiyac var. Knessetdə 4 yerə sahib ərəb RAAM Partiyasının lideri Mansur Abbas kənardan bu dəstəyi verməyə hazır olduğunu bildirib. Lapid və Bennet ötən günlərdə ayrı-ayrılıqda Abbasla görüşdülər. Bu gün üçlü görüşmədə (Lapid - Bennet - Abbas) razılıq əldə olunacağı gözlənilirdi. Son olaylardan sonra bu razılaşma ehtimalı aradan qalxmasa da, sual altına düşüb".

Şahin Cəfərlinin sözlərinə görə, Lapidə dəstək verən "Kaxol-Lavan" blokunun lideri, general Benni Qantz indiki hökumətdə müdafiə naziridir və onun əmri ilə hazırda Fələstin bombalanır.

"Bundan başqa, Abbasın ərəb əhalinin maraqlarını təmin etməyə yönəlmiş bəzi şərtləri var ki, bu hadisələrdən sonra Lapid, xüsusən Bennet onları qəbul edəcəkmi, məlum deyil", deyə politoloq yazıb.

Paylaşımda deyilir ki, Netanyahu Lapidin uğursuzluğa düçar olmasını və bununla da erkən seçkilərin keçirilməsini istəyir: "O, bütün sağ düşərgəni öz ətrafında konsolidasiya edərək yeni seçkidə daha çox yer qazanmağı hədəfləyir, digər tərəfdən, yeni hökumət qurulana qədər Netanyahu baş nazir kreslosunda oturmağa davam edəcək. Bunun əksi, yəni başqa bir hökumətin qurulması isə Netanyahu üçün sonun başlanğıcı olacaq və o, məhkəmə qapılarında sürünəcək".

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...