Xəbər verdiyimiz kimi Qafqaz Müsəlmanları İdarəsi sədri Allahşükür Paşazadənin İranla bağlı fikirləri ölkə ictimaiyyətində kəskin hiddət doğurmuş və etirazlara səbəb olmuşdu. Bir çox ictimaiyyət nümayəndəsi şeyxi sözügedən açıqlamalarına görə sərt tənqid etmişdi. Ötən gün Azərbaycanda məşhur din xadimlərindən biri hesab oluna Hacı Şahin Həsənli Allahşükür Paşazadəni müdafiə edən bir açıqlama verib. Hacı Şahinin bu mövqeyinə də yanaşma heç də birmənalı olmayıb.
Mövzu ilə bağlı şərqşunas, siyasi ekspert Sədrəddin Soltan Eurasia Diary-ə eksklüziv açıqlama verib:
"Vəziyyətin sakitləşdiyi bir vaxtda Şahin Həsənli Qafqaz Müsəlmanları İdarəsinin sədri Allahşükür Paşazadənin müdafiə məqsədi ilə yazı paylaşdı. Azərbaycanın tanınmış və bir çoxlarının inandığı din adamının bu məsələyə belə naşı yanaşması təəssüf və təəccüb doğurur. Şahin Həsənlinin diqqətinə çatırıram: Azərbaycan Respublikasının Konstitusiyasına görə “Azərbaycan dünyəvi dövlətdir Maddə 18. Din və dövlət I. Azərbaycan Respublikasında din dövlətdən ayrıdır. Bütün dini etiqadlar qanun qarşısında bərabərdir. II. İnsan ləyaqətini alçaldan və ya insanpərvərlik prinsiplərinə zidd olan dinlərin (dini cərəyanların) yayılması və təbliği qadağandır. III. Dövlət təhsil sistemi dünyəvi xarakter daşıyır”. Azərbaycan dövlətlərlə münasibətlərini beynəlxalq hüquqa əsasən qurur. Bu baxımdan Azərbaycanın dövlət maraqlarına istənilən dini yanaşma ziyanlıdır. Dövlətçiliyi təhdid etmək, onun dünyəvilik nüfuzuna xələl vurmaqdır, strateji tərəfdaşlığını şübhə altına almaqdır. Müxtəılif din xadimlərinin dediklərinin tənqid edilməsi, ona vətəndaş münasibətlərinin bildirilməsini “dövlətçiliyin təhdidi” kimi qələmə verilməsi Azərbaycan Konstitusiyasının pozulması, onun təməl prinsiplərinə ziyan vurulmasıdır.
Şahin Həsənli Qafqaz Müsəlmanları İdarəsi sədrini İslam dinin müqqəddəsləri ilə bir səviyyədə tutmağa cəhd göstərir: “...Onun (Allahşükür Paşazadəni nəzərdə tutur -S.S.)ünvanına səsləndirilən fikirlər artıq tənqid deyil, Şeyxülislam məqamına qarşı həqarət, Azərbaycan dövlətçiliyinə və İslam birliyinə qarşı təhdiddir...”. Azərbaycan dövlətçiliyi və islam birliyi nə Allahşükür Paşazadə simasından, nə də ki, şeyxülislam məqamından ibarət olmamaqla yanaşı, ondan asılı da deyil. Odur ki, dini sahədə fəaliyyət göstərən şəxslərin siyasi aspektli yanaşmaları nəticədə belə səhvlərə, yanlış anlaşmalara gətirib çıxaracaqdır. Azəbaycan Respublikası siyasi hakimiyyətinin 30 ildən bəri aparmış olduğu
Azərbaycanın ərazi bütövlüyü ilə bağlı siyasi-hərbi sahədə olan fəaliyyətinə din xadimi hansı əsasla siyasi amildən yanaşır? Beynlxalq hüququn digər subyektlərinin belə bu məsələdəki rolundan bəhs edir? Teokratik rejimli dövlətlərdə adətən bu üsullardan istifadə edirlər. İnqliab rəhbərlərini, yaxud ali rəhbərləri dini müqəddəslərlə eyni səviyyədə tuturlar. Belələrinə qarşı tənqidi fikirlər ediləndə isə həmin şəxslər barədə şəriət hökmləri çıxarırlar. 1998-ci ildə İranda universitet professoru Haşim Ağacari İslam Respublikasının ali rəhbəri ayətullah Seyid Əli Xaməneinin tənqid etdiyi üçün “dini təhqir etməkdə” ittiham olundu. 2002-ci ildə isə onun barəsində edam hökmü belə çıxarıldı. Şahin Həsənli
Allahşükür Paşazadəni Azərbaycan dövlətçiliyi və islami birliklə bərabər tutmaqla onu dövlətin əsas atriubutlarından, yaxud dinin müqəddəslərdən sayır?
Allahşükür Paşazadənin sovet imperializiminə qarşı müqavimət göstərən lider olaraq göstərmək də cəfəngiyyatdır. Onun 20 Yanvar şəhidlərinin dəfnində iştirakını heç kim inkar etmir. Ancaq bu, onun milli azadlıq hərəkatının lideri kimi təqdim edilməsi də demək deyil. Din xadimi kimi Azərbaycan icitmaiyyətinə təqim edilmiş və bu istiqamətdə fəaliyyət göstərən Şahin Həsənlini Azərbaycan qanunlarına və onun vətəndaşlarına sayğı ilə yanaşması arzu olunandır. İnsanların inamından sui-istifadə hqasızlıqdır. Azərbaycan Şahin Həsənliyə inanır. Bu inamı qırmaq da ədalətsizlikdir. Azərbaycan Konstitusiyasına əsasən, ölkə vətəndaşları fikir azadlığı var. Buna görə Şahin Həsənlinin insanları “dövlətçilik” məsələsi ilə hədələməsi də əsassızdır. Bütün hallarda Şahin Həsənli də Azərbaycan vətəndaşıdır".
.jpg)
