Ərdoğan İngiltərədən Zəngəzur dəhlizi ilə bağlı dəstək gözləyir - Ekspert - ednews.net

27 Oktyabr, Çərşənbə

Ərdoğan İngiltərədən Zəngəzur dəhlizi ilə bağlı dəstək gözləyir - Ekspert

Analitika A- A A+

Xəbər verdiyimiz kimi, BMT Baş Assambleyasının 76-cı sessiyasında iştirak etmək üçün ABŞ-a səfər edən Türkiyə prezidenti Rəcəb Tayyib Ərdoğan Nyu-Yorkda Britaniyanın baş naziri Boris Consonla görüşüb. Məlumata görə, görüş Nyu-Yorkda yenicə açılışı olan “Türk evi”ndə baş tutub. Türkiyə rəhbərinin Britaniyanın hökumət başçısı ilə görüşü 40 dəqiqə davam edib. Danışıqlar mətbuata qapalı olub.

İki ölkə liderinin görüşü ilə bağlı türk siyasi şərhçi Engin Özer EDNews.net-ə açıqlama verib.

Ekspertin sözlərinə görə, Türkiyədəki 15 iyul 2016-cı il hakimiyyət çevrilişinə cəhddən sonra Böyük Britaniya Türkiyənin strateji müttəfiqinə çevrilb:

“Türkiyə Orta Asiya, Liviya və Azərbaycan da daxil olmaqla bir çox bölgələrdə Böyük Britaniya ilə birgə fəaliyyət göstərir. Starteji müttəfiqlik artıq yeni bir səviyyə əldə edib. Hazırda Asiya-Sakit okean regionunda yeni yaranan bir birlik var. AUKUS adlanan birliyə Avstraliya, ABŞ və Böyük Britaniya daxildir. Bununla yanaşı ikinci bir birliyin qurulması gözlənilir. Bunun üçün isə bəzi ölkələr olmalıdır. NATO-dan asılı olmayan, ayrıca bir ittifaqın qurulacağını güman etmək olar. Türkiyə də bu birliyə üzv olmağa çalışır”, -deyə o bildirib.

Siyasi şərhçi həmçinin qeyd edib ki, Suriya məsələsində Böyük Britaniya Türkiyənin mövqeyini dəstəkləməklə səssiz qalıb.

“İdlibdəki problemlərlə bağlı Prezident Ərdoğan bu həftə Rusiya Prezidenti Vladimir Putinlə Soçidə görüşəcək. O, bu görüş öncəsi ingilislərlə görüşüb və Zəngəzur dəhlizinin açılmasıyla bağlı dəstək axtarışında olduğunu ehtimal etmək olar”.

Engin Özer əlavə edib ki, Azərbaycan bir çox layihələrdə British Petroleum ilə birlikdə çalışır.

“Türkiyənin də bu şirkətlə birlikdə Şərqi Aralıq dənizinin neft yataqlarının tədqiqi sahəsində işləmək istəyi var. Kipr və Liviya məsələsi də bu kontekstdə dəyərləndirilə bilər. Neftin Avropa bazarına çatdırılması məsələsində bəzi sual doğuran məqamlar var. Türkiyə bu məsələdə, eləcə də Şərqi Aralıq dənizi və Kipr məsələsində Böyük Britaniyadan dəstək istəyə bilər”, -deyə ekspert fikrini tamamlayıb.

Gülnar Səlimova

Məqalə Azərbaycan Respublikası Medianın İnkişafı Agentliyinin maliyyə dəstəyi ilə hazırlanmışdır

6.3.4. ictimai və dövlət maraqlarının müdafiəsi

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...