2021-ci ildə Qarabağ ətrafında nələr baş verdi... - ednews.net

27 Yanvar, Cümə axşamı

2021-ci ildə Qarabağ ətrafında nələr baş verdi...

Analitika A- A A+

Postmünaqişə dövrünün ilk bir illiyi başa çatdı. 2021-ci ildə Qarabağ ətrafında nələr baş verdi?


6 yanvar: İlham Əliyev 2020-ci ilin yekunlarına dair müşavirədə müharibədən sonra “Xankəndi Azərbaycan torpağıdır” deyə bəyan etdi;


11 yanvar: Moskvada Əliyev-Putin-Paşinyan görüşü keçirildi və kommunikasiyanın açılması ilə bağlı üçtərəfli bəyanat imzalandı: razılaşmaya görə, üçtərəfli İşçi Qrupu yaradılır və bu qrup 1 mart tarixində qədər kommunikiyasının açılması üzrə qrafiki hazırlayaraq, təsdiq edilməsi üçün liderləyə təqdim etməlidir; bu görüş müharibədən sonra tərəflərin ilk canlı təması idi;


14 yanvar: Prezident ilk dəfə Şuşaya səfər etdi və “statusun olmadığının, Qarabağın bütün ərazilərinin Azərbaycan olduğunun” mesajını verdi;


30 yanvar: Ağdamda Rusiya-Türkiyə Birgə Monitorinq Mərkəzi fəaliyyətə başladı; Türkiyə ordusu rəsmi şəkildə bölgəyə gəldi;


Mart: Əliyev 10 noyabr razılaşmasından nəzərdə tutulan Naxçıvana çəkiləcək yolun Zəngəzur dəhlizi olduğunu elan etdi;


Aprel: Əliyev Azərbaycanın tarixi torpaqlarına – İrəvana, Zəngəzura qayıdacağımızı elan etdi;


May: Azərbaycan işğal dövründə Ermənistanın irəli çəkdiyi dövlət sərhədinin bərpası prosesinə praktiki olaraq başladı; burada gərginliyin Qarabağdan sərhədə köçürülməsi strategiyası da diqqət çəkirdi;


15 iyun: Ərdoğanla Əliyev Şuşada Müttəfiqlik münasibətləri haqqında Şuşa Bəyannaməsini imzaladı;


7 iyul: Əliyev “Dağlıq Qarabağ” ifadəsini ləğv etdi, Qarabağ və Şərqi Zəngəzur iqtisadi rayonlarını yaratdı; ermənilərin yaşadığı ərazilər – Xankəndi, Xocalı və Xocavəndin taleyi ilə bağlı rəsmi qərar verildi; bu həm də Zəngəzurun qərb hissəsi ilə bağlı hədəfin rəsmiləşməsi idi;


Sentyabr: Bakı İranın Xankəndinə qanunsuz yük daşımasına qarşı Gorus-Qafan yolunda praktiki addımlara başladı və nəticə əldə etdi;


26 noyabr: Soçidə üçtərəfli görüş keçirildi; sərhədin delimitasiya və demarkasiya üzrə ikitərəfli komissiyanın yaradılması razılaşdırıldı;


15 dekabr: Brüsseldə üçtərəfli görüş keçirildi; kommunikasiyanın açılması üzrə razılaşma əldə olundu; Avropa İttifaqının timsalında postmünaqişə dövrü Qərbdə də qəbul edildi.


Asif Nərimanlı

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...