İran Körfəz savaşının fitilinə od vurdu - “Husi”lərdən “yeni addım” - ednews.net

20 May, Cümə

(+994 50) 229-39-11

İran Körfəz savaşının fitilinə od vurdu - “Husi”lərdən “yeni addım”

Analitika A- A A+

“İran Körfəz Dövlətlərində gərginliyin artmasında hədsiz maraqlıdır. Çünki orada iştirak edəcək tərəflərin hamısı ABŞ-ın müttəfiqləridir və onlar İsraillə münasibətləri normallaşdırmağa çalışırlar. Husilər təkcə İran deyil, həm də Ərəb ölkələri tərəfindən müdafiə olunur və həmin koalisiyanın başında Səudiyyə Ərəbistanı durur”.

Bu fikirləri  EDNews-a politoloq Sədrəddin Soltan Yəməndəki Husi terror təşkilatının BƏƏ-nin paytaxtı Abu Dabiyə dronla atılan raket zərbəsi haqqında danışarkən deyib. 

Siyasi analitik həmçinin qeyd edir ki, hadisənin İlkin istintaqı zamanı bəlli olub ki, havada dronlar hərəkət edib və daha sonra açılan qəfil atəş nəticəsində böyük partlayış yaranıb. Bundan əlavə istintaq araşdırmaları havada görünən dronların Yəməndəki Husi terrorçu qruplaşamalarına aid olduğunu təsdiq edib. Hadisə nəticəsində 3 nəfər həlak olub. Məlumata görə ölənlər arasında YDM-də çalışan Hindistan və Pakistan vətəndaşları olub. 

Sədrəddin Soltan fikirlərini davam etdirib:

“Husilər tərəfindən atılan raket zərbəsi maraqlı məqamlarla ortaya çıxdı. Birincisi burada İranın “Zülfüqar” ballistik raketini ilk dəfə olaraq Körfəz Dövləti üzərində sınaqdan keçirməsi idi. İkinci məqam isə İranın İsrail və ABŞ-ı müdafiə edən qüvvələrə bir mesajı idi.”

Politoloq həm də qarşı tərəfin verə biləcəyi cavab addımına da toxunub. 

“Heç şübhəsiz BƏƏ Hava Hücumundan Müdafiə sisteminə yenidən baxacaq, eyni zamanda İranın maliyyələşdirdiyi Husilərə qarşı hucumunda daha fəallaşacaq. Burada İranın digər hərbi obyektlərinə qarşı aksiyalar da başladıla bilər. 

Bir şeyi qeyd etməliyəm ki, BƏƏ-nin hərbi gücünü artırması İranın da silahlanmada fəallaşmasına səbəb olacaq. Bu da İran iqtisadiyyatının xeyli dərəcə zəifləməsinə gətirib çıxaracaq”. 

Qeyd edək ki, terror qrupunun hərbi sözçüsü Yahya Sari “biz Əmirliyin ən həssas və strateji nöqtələrinə qarşı hərbi əməliyyatları ballistik raket zərbələrimiz sayəsində uğurla başa vurduq” deyə açıqlama verib. 

Qeyd edək ki, Livanda Hizbullah və İraqda Haşde Şabi hərbi birləşmələri olduğu kimi, Yəməndə də hərbi münaqişələr törədən Husi terror qruplaşması İranın məqsədyönlü şəkildə maliyyələşdirdiyi hərbi birləşmələrdir. İran hər zaman maliyyə dəstəyi göstərdiyi qruplaşmaların əli ilə İraq, Suriya, Livan və regionun digər ölkələri də daxil olmaqla həmin bölgələrdə gizli hərbi əməliyyatlar həyata keçirib. Lakin Qərblə sıx bağlı olan BƏƏ və Körfəzin digər dövlətləri İranın təsirinə qarşı müqavimət göstərib. Görünür bu müqavimət həm də yeni Körfəz müharibəsi üçün bir çağırışdır. 

Elnur Ənvəroğlu 

 

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...