Rusiyanın növbəti hədəfi Moldovadır - Britaniyalı ekspert Qərbin dəstəyini niyə yarıtmaz adlandırdı? - ednews.net

7 İyul, Cümə axşamı

(+994 50) 229-39-11

Rusiyanın növbəti hədəfi Moldovadır - Britaniyalı ekspert Qərbin dəstəyini niyə yarıtmaz adlandırdı?

Analitika A- A A+

“Təəssüf ki, Qərbin güc strukturları keçmiş Sovet İttifaqı ölkələrini dərindən başa düşmürlər. Problem budur ki, onlar daxildəki vəziyyətdən, yəni xalqla bəzi hökumətlərin Rusiyaya olan sədaqətindən xəbərsizdir. Ukrayna təcrübəsi öz acı nəticəsini göstərsə də, Qərb Moldovanı NATO standartlarına uyğun silahlandırmaq və Rusiyanı yenidən bu vasitə ilə vurmaq niyyətindədir”. 

Bu sözləri britaniyalı jurnalist Neyl Uatson Ednews-a açıqlaması zamanı deyib. Britaniyanın Xarici İşlər naziri Liz Truss-ın ötən gün Moldovanın silahlandırılması ilə bağlı verdiyi bəyanatına fikir bildirərkən Uatson həm də Qərbin atdığı addımı qeyri adekvat adlandırıb. 

Neil Watson

Jurnalistin sözlərinə görə, Qərb Rusiyaya qarşı son dərəcə aqressiya ilə kökləndiyi üçün nəticələr barəsində ətraflı düşünə bilmir. 

“Burada yalnız bir istək var, o da Putinin “Böyük Rusiya” xəyallarını dəf etmək. Britaniya Xİ nazirinin “Moldovanı “NATO standartlarına” uyğun silahlandırmaq lazımdır” deyə, verdiyi bəyanatı məhz Qərbin rusofobiyaya qapılması ilı bağlıdır. Fakt budur ki, Consonun Mühafizəkar hökuməti ölkə daxilində müxtəlif qalmaqalların ortasındadır və “Brexit” onu beynəlxalq səhnədə təcrid vəziyyətinə çevirib. Consonun rəhbərliyi altında Böyük Britaniya hökumətinin həm daxildə, həm də xaricdə uğur qazandığı bir sahə Ukraynaya göstərdiyi açıq dəstəkdir. Demək, Moldova ilə bağlı bu bəyanatlar həm də bu siyasətin bir davamıdır”.

Ekspert müharibənin baş tutacağı halda Moldovanı Ukraynadan daha betər bir aqibətin gözlədiyini vurğulayıb. 

“Moldovanın Rusiyanın hərtərəfli hücumundan müdafiə oluna bilməsi mümkün deyil. Birincisi, ən son texnika və silahlara sahib olan Rusiya ordusunun ölçüsü Moldova ordusu ilə müqayisə edilməzdir. İkincisi, Moldova ordusunun istifadə etdiyi silahlar rus mənşəlidir və ruslar onları necə sıradan çıxarmağı yaxşı bilir. Üçüncüsü, və ən vacibi mən Qərbin dəstəyini burada olduqca yarıtmaz adlandırardım. Çünki müharibə edən bir ölkənin ordusunu yüksək texnoloji silahlarla təmin etmək kifayət deyil. Qərbin Ukraynadakı son davranışı Kremlin sanki dəyirmanına su tökmüş oldu. Artıq müharibə mövzusuna gələndə Putin qurbanının bahalı silahlarla meydanda yalnız buraxılacağını öncədən bilir. Fikrimcə Qərb Rusiyanı birdəfəlik susdurmaq üçün həm Ukrayna, həm də müharibəyə sürüklədiyi Moldova ilə cəbhə dostu olmağı bacarmalıdır”. 

Qeyd edək ki, Böyük Britaniyanın xarici işlər naziri ötən gün Rusiya prezidenti Vladimir Putinin “böyük Rusiya” xəyallarını dəf etmək üçün Moldovanı “NATO standartlarına” uyğun silahlandırmağın lazım olduğu barədə bəyanat verib. Nazir, Moldovanın, xüsusən də ölkədən qoparılan rusiyayönlü separatçı Dnestryanı bölgəyə görə “həssas” olduğunu bildirib. Ukrayna ilə cənub-qərbdən həmsərhəd olan Moldova NATO alyansının üzvü deyil. Ölkənin ordusu isə hələ də keçmiş Sovet silahları ilə təzhiz olunmuş vəziyyətdədir.

Elnur Ənvəroğlu 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...