26 Aprel 2015-ci ildə Türkiyənin Tunceli vilayətində Nazımiye rayonunda açıq ərazidə bir abidənin açılış mərasimi keçirildi. Məzar Elazığda baş verən ixtişaşların birində öldürülən və Orhan Bakır adı ilə tanınan TİKKO adlı təşkilatın rəhbərlərindən olan Armenak Bakırcıyana aid idi. Məsələ ilə bağlı məlumatı "Agos" qəzetinin xəbərini Hollandiyadan Səfa Yürükel verib. Ona da bu haqda təqaüdçü general mesajla bildirib.
Arslan Bulut
Mövzunun davamını 28 Aprel 2015-ci il tarixli Agos qəzetindən oxuyaq:
“Dersimin Nazımiye rayonunda soyqırımın 100-ci ilində TİKKO rəhbərlərindən Armenak Bakırcıyana aid abidə məzarının açılış mərasimi keçirilib. Nazımiye rayonu Xarik Kəndində inşa edilən abidə-məzarın açılışında HDP Dərsim millət vəkili namizədləri Əlican Nəzərli və Edibe Şahin, Dərsim Bələdiyyə Həmsədri Nurhayat Altun, HDP, DBP, DHF, EMEP, ESP, DERADOST, Partizan kimi cəmiyyət, partiya və təşkilatlarından olan nümayəndələr iştirak edib. Bundan əlavə, mərasimdə Yunanıstan, Fransa kimi xarici ölkələrdən gələn diaspor üzvləri də iştirak ediblər.
Nazımiye rayonu Perisuyu Çayı üzərində, Pembelik Baraj gölü sahilində inşa edilən abidə-məzara yürüş təşkil edən bir qrup “Erməni Soyqırımını lənətləyirik, Armenak Bakırcıyanı xatırlayırıq” və "Hrantdan Sevaga; 100-ci ilində Erməni Soyqırımı davam edir" yazılı plakatlar nümayiş etdirib.
Yürüş zamanı polis və xalq arasında plakatlara görə qısa müddətli gərginlik olub.
Mərasimdə Erməni soyqırımında həyatını itirənlərin xatirəsi bir dəqiqəlik sükutla yad edilib və Bakırcıyanın məzarına qırmızı qərənfillər qoyulub.
Mezar daşında "Armenak Bakırcıyan, Hrant Dink, Manuel Dəmir, Nubar Yalımyan, Kevork Çavuş, Monte Melkonyan, Antranik Uzunyan... Adsız, məzarsız bütün qəhrəmanlara " yazısı var.
TKP-ML TİKKO-nun mərkəzi komitəsinin üzvü Armenak Bakırcıyan Elazığ Karakoçanda 13 May 1980-ci ildə polislə olan qarşıdurmada həyatını itirib".
***
Bəs qəbir daşına adları yazılan digər "qəhrəmanlar" kimdir?
Monte Melkonyan: 1980-ci illərdə ASALA-nın sağ əllərindən biridir və Qarabağ Müharibəsi zamanı Ermənistan Silahlı Qüvvələrinin dəstəklədiyi birləşmənin komandanı idi. 1980-ci illərin ortalarında ASALA adına Avropada Türk diplomatlara qarşı müxtəlif hücumlarda iştirak edib, törətdiyi cinayətlərə görə Fransada həbs olunub və 1989-cu ildə sərbəst buraxılıb. 12 İyun 1993-cü ildə Qarabağda gedən döyüşlərdə Azərbaycan ordusunda vəzifəli hərbçi olan İbad Hüseynov tərəfindən öldürülüb. Azərbaycan Hüseynova medal verib. Melkonyan isə "Ermənistan Milli Qəhrəmanı" elan edilib!
Antranik (Paşa) Uzunyan: (1865-1927). Şebinkarahisarda anadan olub. 1890-ci ildə atası ilə mübahisə edən bir Türkü öldürüb. Sason, Muş və Vada üsyanlarında iştirak edib. Balkan Müharibəsi zamanı Bolqarların 1-ci Dünya Müharibəsində Rusiyanı təmsil edərək Osmanlılara qarşı döyüşüb. General adı alıb. Geri çəkilən rus qoşunlarının boşaltdığı bölgələrdə qırğınlar həyata keçirib. Ərzurum və Vandakı Akdamar adasındakı soyqırımların ən birinci cavabdehidir. Kazım Karabəkir başçılıq etdiyi qüvvələrə qarşı məğlub olan Ermənistan, Türk Dövləti ilə sülh elan etdiyi halda Antranik bir könüllü dəstəsinin başına keçərək qətliam törətməyə davam etdi. Ermənistan Hökumətinin əmri ilə dəstəsini dağıdaraq silahlarını təslim etdi. İrəvanda heykəli ucaldılıb.
Kevork Çavuş: Sason üsyanına qoşuldu. Çox sayda Türkü qətlə yetirdi. 1907-ci ildə Muşda münaqişədə öldürülüb. 22 Aprel 2015-ci il tarixli Radikal qəzetində arvadı Heghinenin silahlı bir rəsmi də nəşr olunaraq "məşhur Erməni fədai" adı ilə tanıdıldı.
Nubar Yalımyan: Ergenekon davasında prokurorların ifşa etdiyi rəsmi məlumatlara görə, Türk diplomatlara hücum planlaşdırdığına görə Abdullah Çatlı tərəfindən Hollandiyada öldürülən ASALA üzvüdür.
Manuel Dəmir: 1988-ci il Yanvar ayında Kandıra Piyada Alayından silah oğurlaması hadisəsindən sonra Sefaköydə keçirilən əməliyyatda öldürülən TİKKO üzvüdür.
Şərhə ehtiyac varmı?