27 noyabrda Mərkəzçi-Sağ partiyada (Respublikaçılar) prezidentliyə namizədlik üçün keçirilən seçkilərin nəticələri elan edilib. Franses Filion seçkilərin ikinci turunda 66,5 faiz səs əldə edərək rəqibi Alian Jüppeni məğlub edib. Fransanın eks prezidenti Nikola Sarkozi mərkəzçi-sağ partiya adından prezidentliyə namizədliyini irələ sürə bilmədi. Çünki, o seçkilərin birinci turunda məğlub edilərək, ikinci turdan kənarda qaldı.
Fransada mərkəzçi-sağ partiya ( Respublikaçılar) ilə yanaşı bir sıra partiyalar da növbəti prezident seçkilərinə öz namizədlərini irəli sürmək istəyirlər. Fransanın prezidenti və Sosialist partiyasının rəhbəri Franses Hollandenin növbəti prezident seçkilərinə qatılacağı barədə məlumat yoxdur. Fransanın hazırkı iqtisadiyyat naziri Emmanüel Makron prezidentliyə öz namizədliyini irəli sürmək niyyətinin olduğunu açıqlayıb. Prezident Franses Hollandenin rəhbərlik etdiyi Sosialistlər partiyası zəif iqtisadiyyat, siyasət və terrorizm səbəbindən artıq öz nüfuzunu itirməyə başlayıb. Fransanın hazırkı siyasi cəmiyyətində Respublikaçılar və qatı-millətçi olan Milli Cəbhə önə çıxır.
Milli Cəbhə partiyasının lideri Mariya Le Pen öz qatı millətçi və islamifobiya düşüncələri ilə tanınan ultra-sağçı siyasətçilərdən biridir. Mariya Le Pen dəfələrlə açıqlayıb ki, o öz ölkəsində İslam dinini, müxtəlif mədəniyyətləri və immiqrantları görmək istəmir. O, Fransız xalqını öz milli kimliklərini qorumağa çağırır. Milli Cəbhə partiyasının lideri həmçinin Avropa Birliyinə qatı müxalif olmağı ilə seçilir və Fransanın Şengen və Avrozonanı mütləq şəkildə tərk etməsini tələb edir.
Avropada bir çox siyasi ekspertlər Fransada keçirələcək prezident sekçilərində yalnız iki namizəd -Mariya Le Pen və ya Franses Filion qalib olacağını təxmin edirlər. Maraqlı məsələ odur ki, ifrat sağçı Mariya Le Pen və mərkəz-sağçı Franses Filion daxili siyasət, sosial və mədəni məsələlərdə eyni fikirləri səsləndirirlər. İqtisadi siyasətdə liberal dəyişiklərə tərəfdar olan Franses Filion ailə və mədəni məsələlərdə sosial mühafizəkar olmağı ilə seçilir. O, homoseksuallığın Fransız milli kimliyinə qarşı virus olduğunu vurğulayıb. Respublikaçılar partiyasının namizədi Avropa Biriliyinin immiqrasiya siyasətini tənqid edərək bildirib ki, miqrant axını yalnız Fransada terrora və misilsiz cinayətləri səbəb olduğunu hesab edir. Həm Mariya Le Pen, həm də Franses Filion multikulturalizmi rədd edir. Onların hər ikisi bəyan ediblər ki, prezident seçiləcəkləri təqdirdə müxtəlif mədəniyyətləri təbliğ edən hüquqları və azadlıqları məhdudlaşdıracaqlar. Hər iki siyasətçi İslamn Fransa üçün təhlükəli olması barədə fikirlər açıqlayırlar.
O cümlədə, prezidentliyə gələcək namizədlər olan Mariya Le Pen və Franses Filion Avropa Birliyi və Beynəlxalq məsələlərdə də eyni münasibəti bölüşürlər.Mariya Le Pen Avropa inteqrasiyasına qatı müxalifliyi ilə seçilir. Franses Filion isə Avropa Birliyinin qanunverici və icraedici institutlarının qərarlarını tənqid edir. Lakin Franses Filion Avropa Birliyinin təhlükəsiz və iqtisadi siyasətini müsbət dəyərləndirir. O, Fransanın Avrozonada mövqeyinin qorumasını və ən əsası ümumi təhlükəsizlik qüvvələrinin yaradılmasını ölkəsi üçün vacib sayır. Rusiya ilə diplomatik əlaqələrə gəlincə isə hər iki partiya lideri Avropa Biliyinin Rusiyaya qarşı sanksiyalarını tənqid edir və Rusiyanın siyasi və iqtisadi tərəfdaş olduğunu qələmə verirlər. Hər ikisi dərhal Rusiyaya qarşı sanksiyaların aradan qaldırılmasını tələb edirlər. Franses Filion Rusiyanı Avropa üçün nəhəng iqtisadi bazar hesab edir. Ultra sağçı Mariya Le Pen isə Rusiyanı Fransanın Amerikadan da daha yaxın dost olduğunu hesab edir. Mariya Le Pen prezident seçiləcəyi təqdirdə Fransa NATO-nu tərk edəcək və Rusiya ilə hərbi ittifaq yaradacaqdır.
Bir çox siyasi ekspertlər Fransada növbəti prezident seçkisi ilə bağlı müxtəlif fikirlər səsləndirməyə başlayıblar. Bəzi siyasi ekspertlər Marine Le Penin prezident seçkilərində qalib gələcəyini hesab edirlər, həmçinin bəziləri Francois Filionun Fransanın növbəti prezident olacağını gözləyirlər. Bu yaxınlarda Amerikada baş verən siyasi proseslə Fransanın da üzləşəcəyini təxmin etmək doğru olmazdı. Çünki hər iki gələcək namizəd bir sıra məsələlərdə eyni fikirləri bölüşürlər.
Eurasia Diary, Yunis Abdullayev