Azərbaycan Müdafiə Nazirliyi bazar ertəsi genişmiqyaslı hərbi təlimlərə başladığını elan edib. Təlimlərin 11-15 mart tarixlərində 10.000-lik qoşun, 500 tank, 300 raket və hərbi təyyarəni əhatə edəcəyi gözlənilir. Böyük miqyaslı hərbi təlimlər hər iki tərəfin rəsmilərinin nəzərindən qaçmayıb.
Eurasia Diary Azərbaycan və Ermənistan səlahiyyətlilərinin Azərbaycan hərbi təlimləri barədə bəyanatlarını sizə təqdim edir:
Azərbaycan tərəfi
Azərbaycan Ermənistanın son addımlarından məmnun deyil. ATƏT-in Minsk qrupu erməni tərəfinin təklifini təkzib edib və mövcud formatı davam etdirməyə dəstək verib. Bununla yanaşı, Ermənistan Füzuli və Cəbrayıl şəhərlərində (Ermənistan tərəfindən işğal olunmuş) məskunlaşmaların təlimatına başlayıb. Bu addım hüquqi 1949-cu il Cenevrə Konvensiyasına zidd sayılır.
“Erməni hökuməti Dağlıq Qarabağ münaqişəsinin həlli ilə bağlı danışıqların formatını dəyişdirmək cəhdlərini davam etdirir”, deyə Azərbaycan prezidenti İlham Əliyev bildirib. O, ATƏT-in Minsk qrupu tərəfindən tənzimlənən danışıqların hazırkı formatını dəstəkləyib. Cənab Prezident Ermənistan tərəfinin təklifini qəbuledilməz hesab edir.
“Biz bu təlimlərlə kimisə hədələmək niyyətimiz yoxdur. Ermənistan Azərbaycanın iqtisadi və hərbi gücündən xəbərdardır. Digər tərəfdən, Ermənistan həmişə işğalçı kimi təzyiq altında olmalıdır", - deyə vitse-spiker Ziyafət Əsgərov bildirib.
Təqaüdçü polkovnik, keçmiş hərbi komandir Şair Ramaldanov təlimlər barədə fikirlərini bölüşüb:
"Düşünürəm ki, bu, işğal olunmuş torpaqları hərbi yolla azad etmək və ərazi bütövlüyünü bərpa etmək məcburiyyətində qaldıqda istifadə oluna biləcək variantlardan biridir"- deyə o bildirib.
Onun verdiyi məlumata görə, təlimlər Qarabağdakı hərbi əməliyyatlara mümkün qədər yaxın şəraitdə keçirilir.
Təlimlər müntəzəm və əvvəlcədən planlaşdırılmışdır, lakin eyni zamanda, yeni yüksəlmənin reallığını rəqibə xatırlatmaq niyyətindədirlər" - deyə Bakıdakı analitik Toğrul Cuvarlı bildirib. O inanır ki, Qarabağ münaqişəsinin yeni təzyiqi 2016-cı ildəki "Aprel Müharibəsi"ndən üstün ola bilər.
Azərbaycan tərəfi ermənilərin davranışını sülh prosesinin pozulması kimi qəbul edir. Ermənistanın davranışları problemi həll etmək niyyətində olmadığını və daha çox vaxt qazanmaq istədiklərini nümayiş etdirir.
Ermənistanın mövqeyindəki kəskinlik Erməni əhalisinin razılığını qazanmaq üçün Paşinyanın daxili siyasətində uğur qazanmaq istəyinə hesablanıb.
Ermənistanın münasibəti
Ermənistan Respublikası və separatçı Dağlıq Qarabağ rejiminin rəsmiləri Azərbaycanın hərbi təlimlərinə fərqli reaksiya göstərib. Bəziləri düşünür ki, bu, danışıqlar prosesinə zərbə vuracaq və bəziləri narahatlığa ehtiyac olmadığını hesab edir.
Ermənistanın xarici işlər naziri Zöhrab Mnatsakanyan hərbi təlimləri ATƏT-in beynəlxalq öhdəlikləri pozması kimi görür. Ermənistanın müdafiə naziri Davit Tonoyan 12 mart tarixində Aysor.am-a verdiyi müsahibəsində hərbi təlimlər barədə narahatlığa ehtiyac olmadığını vurğulayıb.
"Hərbi təlimlərin keçirilməsi özü beynəlxalq öhdəliklərin pozulmasıdır, amma bu an Ermənistan Azərbaycanda hərbi təlimlərin sürətinə tam olaraq nəzarət edir. Narahatlığa ehtiyac yoxdur.”
Ermənistan Müdafiə Nazirliyinin mətbuat katibi Artsrun Ovannisyan planlaşdırılmış hərbi təlimləri Paşinyanla Əliyev arasında keçirilmiş görüşün kontekstində təzyiq göstərməyə cəhd hesab edir.
"Biz qorxmayacağıq, ölkəmizi inkişaf etdirmək və gücləndirmək, ordumuzun döyüş qabiliyyətini artırmaq və düzgün geosiyasəti aparmaqda davam edəcəyik. Bu, belə bir təcavüzə qarşı müqavimətin açarıdır" – deyə qondarma Dağlıq Qarabağ Respublikası prezidentinin mətbuat katibi Davit Babayan bildirib.
Dağlıq Qarabağ separatçılarının müşaviri Tiqran İbrahamyan da təlimlər barədə fikirlərini bölüşüb.
"Böyük miqyaslı hərbi təlimlərin ehtiyatla böyüməsi riski həmişə yüksəkdir. Ölkəmizin sərhəd yaxınlığında periodik məşqlər apararkən gözlənilməzlik yalnız bir ssenaridə ola bilər. Hər dəfə hərbi təlimlər keçiririk və hərtərəfli müharibəyə gətirib çıxara biləcəyik".
Hərbi təlimlər və ATƏT-in Minsk qrupunun danışıq prosesində dəyişikliyə ehtiyac olmadığına dair bəyanatından sonra Ermənistan separatçı rejimin paytaxtı Xankəndidə birgə Milli Təhlükəsizlik Şurasını təşkil edib.
“Azərbaycan hərbi təlimləri ATƏT-in Minsk qrupunun Vyanada və Sankt-Peterburqda imzalanmış müqavilələrinə ziddiyyət təşkil edir, hətta bu danışıqlara hazır olduğumuz üçün bizim üçün bir maneə deyil” - deyə Milli Məclisin "Mənim Addımım" fraksiyasının deputatı Hovhannes İgidyan martın 13-də Milli Məclisdə jurnalistlərə bildirib.
İgidyan qeyd edib ki, Ermənistan və separatçı Dağlıq Qarabağ Respublikasının Milli Təhlükəsizlik Şuralarının birgə iclası Azərbaycanın hərbi təlimlərinə və ya həmsədrlərin bəyanatına cavab vermir.
Ümumiyyətlə, Ermənistan rəsmiləri Azərbaycan təlimlərini onlara təzyiq kimi qəbul edirlər və Xankəndidə birgə Milli Təhlükəsizlik Şurasına qarşı reaksiya kimi qəbul edirlər.
Milli Təhlükəsizlik Şurasının keçirilməsi və işğal altında olan ərazilərdə məskunlaşma təlimatı kimi ermənilərin qıcıqlandırıcı hərəkətləri Azərbaycan tərəfindən müzakirə prosesinə təhlükə kimi qəbul edilir. Bu, Azərbaycanı münaqişənin həlli ilə bağlı sərt istiqamət seçməyə çağırır. Azərbaycan heç bir ölkəyə təhlükə yaratmır vəhədələmir, lakin bu cür hərəkətlərin qarşısını almaq üçün sərt reaksiya lazımdır.
Hazırladı: Ülvi Əhmədli,
Tərcümə etdi: Gülnarə Məmmədova