İyunun 2-nə keçən gecə İsrail Hərbi Hava Qüvvələri Suriyanın paytaxı Dəməşqə növbəti hücum həyata keçirib. Virtualaz.org xarici KİV-lərə istinadən xəbər verir ki, bu hücum Suriya ərazisindən İsrail işğalı altında olan Qolan təpələrinə endirilmiş raket zərbələrinə cavabdır.

İsrail Müdafiə ordusu vertolyotlardan və qırıcılardan istifadə etməklə Qolan təpələri rayonunda Suriya müşahidə postlarına, habelə iki artilleriya batareyasına və bir hava hücumundan müdafiə bazasına zərbələr endirib. Habelə SA-2 zenit raketləri batareyasının vurulduğu bildirilir.

 

طائرات الاحتلال الاسرائيلي تقصف ميليشيات بشار الاسد في دمشق وهو يرد بقصف السوريين في خان شيخون بقنابل الفوسفور الحارقة والمحرمة دوليا بريف ادلب الان.."هذا السافل كالصرصار امام اسياده الصهاينة واسد على العزل من السوريين pic.twitter.com/BQIIKt9jCf

— اخبار الفوز (@alfouznews) 2 июня 2019 г.

Suriya ordusunun Qolan təpələrindəki İsrail mövqelərinə raket zərbələri zamanı ziyan dəymədiyi bildirilir. Məlumata görə Suriya tərəfi “Qrad” tipli raketlərdən deyil, daha uzaqmənzilli raketlərdən istifadə edib. İsrailin raketdən müdafiə sistemi işə düşüb və Suriya raketlərinin İsrailin nəzarətində olan ərazilərə düşməsi faktı qeydə alınmayıb.

Suriyanın rəsmi SANA agentliyi İsrailin raket zərbələrini təsdiqləyib. Bildirilir ki, İsrail aviasiyası Dəməşq ətrafındakı Kuneytra rayonuna bir neçə raket zərbəsi endirib. Bu zaman 3 hərbçi həlk olub, 7-i yaralanıb. Maddi ziyan dəyib. Bildirilir ki, Suriyanın Hava Hücumundan Müdafiə qüvvələri İsrail raketlərinin bir neçəsini zərərsizləşdirib. Sosial şəbəkələrdə Suriya paytaxtının ətrafında partlayışlara dair videokadrlar da yayılıb.

İsrail ordusunun mətbuat xidməti Suriya ərazisinə hava hücumunu təsdiqləyib. Bildirib ki, bu zərbələr Suriya ərazisindən Qolan təpələrinin rfaket atəşinə tutulmasına cavabdır. Həmin raket hücumunun İranyönümlü hərbi qruplar tərəfindən 35 km məsafədən endirildiyi açıqlanıb.