Çindən Ermənistan ordusuna hərbi yardım - İşğalçı ölkəni dəstəkləyən dövlətlərin sayı artır | Eurasia Diary - ednews.net

16 İyul, Çərşənbə axşamı


Çindən Ermənistan ordusuna hərbi yardım - İşğalçı ölkəni dəstəkləyən dövlətlərin sayı artır

Münaqişələr A- A A+
İyulun 6-da Ermənistanın müdafiə naziri David Tonoyan Çin Xalq Respublikasının işğalçı ölkədəki fövqəladə və səlahiyyətli səfiri Tian Erluni və səfirliyin hərbi attaşesi,  baş polkovnik Çjan Fenxua ilə birgə respublikanın hərbi hissələrindən birinə səfər edib.  
 
Eurasia Diary xəbər verir ki, erməni saytlarının yaydığı məlumata görə, bu haqda Ermənistan Müdafiə Nazirliyinin mətbuat xidmətinin rəhbəri Artsrun Ovannisyan “Feysbuk”da  yazıb.
 
Çin Xalq Respublikasının səfiri və hərbi attaşe D.Tonoyan və digər yüksək rütbəli zabitlərlə birlikdə hərbi hissəyə baxış keçirib və Çin tərəfindən bağışlanmış texnikalarla tanış olublar.  Bağışlanmış texnikaların konkret nədən ibarət olduğu bildirilmir. 
 
Nazir Tonoyan Çin Xalq Respublikasının Ermənistanla fəal əməkdaşlığı və dəstəyi üçün həmin dövlətin nümayəndələrinə təşəkkür edib. (moderator.az)
 
Xatırladaq ki, bu Çinin işğalçı ölkə ordusuna ilk yardımı deyil. 2005-2014-cü illərdə Çin ABŞ-la birgə Ermənistanın Müdafiə Nazirliyinə  təxminən 45 milyon dollar məbləğində qrant verib. 2009-2013-cü illərdə isə Çin Ermənistana 3,8 milyon dollar məbləğində təmənnasız hərbi yardım göstərib.

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...