Atambayevin Koy-Taş kəndində yerləşən iqamətgahına xüsusi təyinatlılar tərəfindən hazırlanmış əməliyyat zamanı yaranmış qarşıdurmada 50 nəfər xəsarət alıb.
Eurasia Diary-nin məlumatına görə, faktı Qırğızıstan Səhiyyə Nazirliyi təsdiq edib.
Məlumata görə, xəstəxanaya 52 nəfər müraciət edib. Onlardan 20 nəfər xəstəxanada, daha 11 nəfər güc strukturlarının tibb müəssisələrində müalicə olunur.
Qırğızıstanın keçmiş prezidenti Almazbek Atambayevin iqamətgahında altı xüsusi təyinatlı əsgər saxlanılmaqdadır.
Eurasia Diary xəbər verir ki, ölkənin daxili işlər nazirliyi keçmiş dövlət başçısının tərəfdarlarından onların sərbəst buraxılmasını tələb edib.
Nazirlik rəsmisinin sözlərinə görə, təhlükəsizlik Atambayevin nümayəndələri ilə danışıqlar aparılıb.
“RİA Novosti”nin məlumatına görə, xüsusi təyinatlılar artıq Koy-Daş kəndindən çıxarılıb.
Millət vəkili Asel Koduranova deyib ki, keçmiş Qırğızıstan rəhbərinin tərəfdarları saxladıqları 6 xüsusi təyinatlını səhər azad etməyə hazırdırlar.
Yerli sakinlər tələbləri yerinə yetirilməyincə xüsusi təyinatlıları buraxmaqdan qəti şəkildə imtina ediblər. Onların əvvəlcə hüquq-mühafizə orqanlarının Koy-Daş kəndindəki elektrik enerjisini, Atambayevin evində telefon və İnternet bağlantılarını yenidən bərpa etməyi tələb edirlər.
Tərəflər arasında baş vermiş insident zamanı ümumilikdə 43 nəfərin yaralandığı, təhlükəsizlik qüvvələrindən isə bir nəfərin öldüyü bildirilir.
Kəndə daxil olan asayiş keşikçilərinin sayının 500 nəfər olduğu deyilir.
Xatırladaq ki, Qırğızıstan dövlət başçısının mətbuat xidməti məlumat yayıb ki, tətildə olan Prezidenti Sooronbai Jeenbekov məlum hadisələrlə əlaqədar təcili Bişkekə qayıdıb və Təhlükəsizlik Şurasının iclasını keçirib.
Sosial şəbəkələrdə isə avqustun 8-də Parlamentin fövqəladə toplantısının keçirilə biləcəyi barədə fikirlər səsləndirilib.(rakus.az)
