Ermənistan ordusu 2010-2019-cu illərdə 630 hərbi qulluqçusunu itirib.
Eurasia Diary Ermənistan KİV-nə istinadən xəbər verir ki, bu barədə Helsinki Vətəndaş Assambleyasının Vanadzor Ofisi məlumat yayıb.
2010-cu ildən 2019-cu ilin 11 noyabrına qədər aparılan monitorinq zamanı həlak olan 630 hərbçidən 249-u Azərbaycan Ordusu ilə atışmalar zamanı ölüb. Qeyri-döyüş itkiləri 381 dəfə qeydə alınıb ki, onun da 88-i intiharlarla bağlıdır.
“Jurnalistlər insan haqları uğrunda” təşkilatının sədri, hüquq müdafiəçisi Janna Aleksanyan isə intihar hallarının epidemiya halı aldığını deyib.
“2019-cu ildə 9 intihar faktı qeydə alınıb. 2018-ci ildə bu rəqəm 11, 2016-cı ildə 13, 2013-cü ildə isə 3 dəfə qeydə alınıb. Hərbçilər arasında intizam pozuntusu, “dedovşina” və psixoloji basqıların geniş yayılmasını intiharların artım səbəbidir”.(modern.az)
