Bu gün Ermənistan Parlamentinin qarşısında etiraz aksiya keçirilib. Aksiyanın təşkilatçıları 2 gün əvvəl vurularaq öldürülən erməni əsgəri Artur Ajamyanın yaxınları olub.

Eurasia Diary "Shamshyan.com"-a istinadən xəbər verir ki, İrəvanda, Ermənistan Parlamenti qarşısında əsgər Artur Ajamyanın yaxınları etiraz aksiyası keçiriblər.

Əsgərin valideynləri oğullarının hansı şəraitdə öldürüldüyünü bilmək istədiklərini tələb ediblər.

Həmin aksiyada iştirak edən fotojurnalist Qagik Şamşyanın sözlərinə görə dekabrın 3-də Armavir vilayətinin sakinləri Ermənistanın Səhiyyə Nazirliyinə bağlı Respublika Məhkəmə Elmi-Praktik Mərkəzinin qarşısında toplaşaraq hakimiyyətdən dekabrın 2-də Qarabağda öldürülən əsgərlərlə bağlı dərhal cavab verilməsini tələb etmişdilər. 21 yaşlı Artur Ajamyan döyüş mövqelərindən birində şübhəli vəziyyətdə öldürüldürülüb.

Sözügedən erməni xəbər saytının fotojurnalistlə söhbətinə kəndlilər və qohumları da əsgərin ölümünə münasibət bildiriblər:

“Belə bir faciə ağlımızdan keçməzdi. 21 il ərzində övlad böyüdün, qeydinə qalıb əzizləyin və vətənə olan borcunu ödəməsi üçün göndərin hərbi xidmətə daha sonra isə övladınız bir daha geri qayıtmasın. Özü də doğulduğu gündə öldürülüb. Buna necə dözmək olar?!"

Ölən əsgərin valideynlərinin sözlərinə görə Arturun sağlamlığı yerində olmayıb. Buna baxmayaraq o, hərbiyə getmək üçün ərazi hərbi kommisarlığına könüllü müraciət edib:

“Bəzi sosial media orqanlarında Arturun intihar etdiyi barədə məlumatlar yayılıb. Bu tamamilə yalandır. Yaşamağı sevən, ordunu tərk etməyən, torpağını və suyunu sevən gənc bu addımı atmazdı. Onu öldürüblər. Arturu geri gətirməyəcəyimizi bilirik. Ancaq tələb edirik ki, günahkar və ya günahkarlar qanununun tam ciddiliyinə görə cinayət məsuliyyətinə cəlb olunsunlar ki, heç bir valideyn bizim yaşadığımız kədəri yaşamasın. Bu çox ağırdır" - deyə əlavə ediblər.