Rəsmi İrəvan bu günlərdə Azərbaycanın ünvanına daha bir hədə səsləndirib.

Eurasia Diary moderator-a istinadən xəbər verir ki, erməni mənbələrində yayımlanan xəbərə görə 2019-cu ildə görülən işləri dəyələrdirən Ermənistanın müdafiə naziri David Tonoyan, cari ili uğurlu adlandırmaqla yanaşı, Azərbaycanın ünvanına da təhdid səsləndirib. Ermənistanın son illər yeni hərbi texnikalar aldığına diqqət çəkən Tonoyan, “düşmən üçün daha ölümcül olacaqlarını” vurğulayıb:

“Hərbçilərə keyfiyyətli, qidalı və müxtəlif yemək verilir. Hərbçilərimiz ən yaxşılarına sahib olmaq hüququ qazandılar və addım-addım bu vəzifəni yerinə yetiririk.

Keçən il yeni silahların alınması ilə də yadda qaldı. Ermənistan Silahlı Qüvvələri və Ermənistan ordusu ən yeni hərbi texnika və silahlarla təchiz edildi. Silahlı Qüvvələrimiz gündən-günə güclənəcək, qüvvələrimiz düşmən üçün daha ölümcül olacaq ".

Məlumat üçün qeyd edək ki, bu günlərdə Rusiyanın Ermənistana yeni raket kompleksləri verməsi İrəvanda böyük ruh yüksəkliyinə səbəb olub. 2016-cı ilin aprel döyüşlərindən hələ də özünə gələ bilməyən İrəvan hesab edir ki, Rusiyanın hərbi yardımları Ermənistan ordusunun müdafiə qabiliyyətini artıra bilər.