Əfqanıstanın paytaxtı Kabildə törədilmiş terror aktı nəticəsində 32 nəfər həlak olmuş, 80 nəfərdən çox adam yaralanmışdır. Bu barədə "Tolonews” telekanalı xəbər verir.
Məlumata görə, naməlum şəxslər Əfqanıstanın Baş Naziri Abdulla Abdullanın iştirak etdiyi toplantıda adamlara atəş açmışlar.
Kabilin Musalla rayonunda silahlı hücum və partlayış xəzərlərin sabiq lideri Əbdüləli Məzarinin həlak olmasının ildönümünə həsr olunmuş xatirə mərasimində Əfqanıstanın Sülh Məsələləri üzrə Ali Şurasının sədri Kərim Xəlilinin çıxışı zamanı baş vermişdir. Hücumdan sonra rayonda toqquşmalar başlanmışdır. İki terrorçu zərərsizləşdirilmişdir.
Terror aktına görə məsuliyyəti İŞİD qruplaşması üzərinə götürmüşdür.