"44 günlük savaş ərzində Azərbaycan Ermənistana atəş açsaydı və Rusiya KTMT (Kollektiv Təhlükəsizlik Müqaviləsi Təşkilatı) öhdəliklərinə görə Azərbaycanla açıq müharibəyə girsəydi, Türkiyə ilə savaş qaçılmaz idi".
Eurasia Diary xəbər verir ki, bunu Rusiyalı siyasətçi Maksim Şevçenko canlı yayımların birində deyib.
"Zatulin də demişdi ki, Ermənistana qoşun göndərmək üçün Rusiya Gürcüstan üzərindən iki briqada keçirtməlidir. Və belə planlar var idi, hətta Tbilisiyə ultimatım da ünvanlana bilərdi.
Çünki Rusiya-Gürcüstan razılaşmalarının birində lazım gələrsə Kreml Gürcüstan ərazisindən Ermənistana koridor tələb edə bilər. Bu razılaşmanı Saakaşvili də ləğv etməyib.
Belə ehtimal var idi, ancaq Putin ikinci variantı seçərək savaşı öz axarına buraxdı. Rusiya final prosesində iştirak etmək istədi.
Ona qalsa Prezident İlham Əliyev istəsə idi, savaşın gedişatında Azərbaycan Laçını geri qaytara bilərdi. Sadəcə, İlham Əliyev Rusiya üçün “erməni xalqının xilaskarı” kartını saxladı. Çünki Azərbaycan Laçını qaytarsaydı humanitar fəlakət yaranacaqdı.
Dağlıq Qarabağda mühasirəyə düşmüş 20-30 min erməni tələf (soyuqdan, aclıqdan) olacaqdı. Buna görə daha sivil həll yolu seçildi"
Şevçenko Prezident İlham Əliyevdən sitat gətirərək Ermənistanın uduzmağını Paşinyanın yox, Köçəryan və Sarqsyanın məğlubiyyəti adlandırıb.
.jpg)
