İtkin düşənlər arasında İranda sərhədi keçən hərbçilər varmı?

Armenianreport.com saytında yayımlanan məlumata görə, Ermənistan Milli Məclisinin deputatı Naira Zohrabyan bu suala cavab tapmağa çalışıb və öz Facebook səhifəsində bu barədə yazıb.

Millət vəkili öz sosial şəbəkə hesabında qeyd edib ki, erməni mətbuatı bu məsələni gündəmə gətirməsəydi, bu məsələyə toxunmazdı.

“Hərbi qulluqçuların uzun müddətdir itkin düşdüyünü düşünən bir çox valideynlər mənə deyirlər ki, müharibə zamanı oğulları həbs olunduqları Cəbraildən İranla dövlət sərhəddini keçiblər. Üstəlik, valideynlərdən biri İranın müəyyən bir yaşayış məntəqəsinin, erməni əsgərlərinin saxlandığı Amandi kəndinin adını da çəkib.

Bu məsələ ilə çoxdan məşğul olmuşam və bir neçə dəfə Ermənistanın İrandakı səfiri Artaşes Tumanyanla bununla bağlı müzakirə aparmışam.

Üstəlik, bir neçə valideyn Təbrizə gedib və erməni yepiskopu ilə görüşüb və o da bu məlumatın doğru olub-olmadığına əmin olmağa çalışıb. Rəsmi olaraq İranın xarici işlər nazirinə müraciət etdim və bir müddət sonra cavab veriləcəyini bildirdilər. Hələ də cavab yoxdur. Rusiyalı həmkarlarım vasitəsi ilə bu məlumatı təkzib etməyən və təsdiqləməyən bir neçə İran generalı ilə əlaqə qurduq və dəqiq cavab vermək üçün vaxt istənildi”, deyə Naira Zohrabyan yazıb.

Millət vəkili, həmçinin Ermənistan Müdafiə Nazirliyinin şok bir cavabına işarə edib, hansıki, ona bu mövzuda şərh verməyəcəklərini söyləyiblər.

“Ümumiyyətlə, nəyi şərh edirsiniz? Yüzlərlə valideyn, heç olmasa oğulları haqqında xəbərlər eşitməyə ümid edir, lakin Müdafiə Nazirliyi, məlum olduğu kimi, heç bir şərh vermir”, deyə yazan Naira Zohrabyan, İranın Ermənistandakı səfirinə də bu mövzuda müraciət edəcəyini bildirib.