Erməni politoloq Armen Ayvazyan özünün Facebook səhifəsində böyük müharibənin anonsunu verib. Politoloq bəyan edib ki, Azərbaycan Ermənistana qarşı genişmiqyaslı müharibəyə başlamağa hazırlaşır.
EDNews.net-in məlumatına görə, guya ki, bu dəfə Azərbaycan Silahlı Qüvvələrinin əsas hədəfi Tiqranaşen (Naxçıvanın Kərki kəndi) olacaq. O, iddia edib ki, Azərbaycan Kərkini tutmaqla (erməni politoloq Azərbaycanın bütün dünya tərəfindən tanınan ərazisinin qaytarılması yox, məhz tutulması deyir – red.) Süniki (Zəngəzuru) Ermənistanın mərkəzi hissəsindən ayıracaq. Daha sonra Ayvazyan Azərbaycanın Onlar Mehri və ya Sisyan rayonlarından birini (Qarakilsə) zəbt edəcəyini proqnozlaşdırır. Bununla da Azərbaycanın əsas ərazisini Naxçıvana birləşdirəcək Zəngəzur koridoru yaradılacaq. Nəticədə Ermənistanın İranla quru yolu bağlanacaq və Azərbaycanın Türkiyə ilə birbaşa quru yolu təmin ediləcək.
Politoloq həmçinin Azərbaycan tərəfinin Sevan (Göyçə) gölünün şərq hissəsinin zəbt edəcəyini və gölün su ehtiyatları üzərində nəzarəti ələ keçirəcəyini iddia edir. Politoloqun fantaziyaları bununla məhdudlaşmır. O, Azərbaycanın Noyemberyan və İcevan rayonlarının (İncəsu və Karvansaray) bir hissəsini nəzarətə götürəcəyini bildirib. Bununla da, Ermənistanın bu istiqamətdə Gürcüstanla avtomobil yolu bağlanacaq.
Ayvazyanın sözlərinə görə, Azərbaycanın bu “məkrli” planları ümumilikdə Ermənistanın mövcudluğuna sual altına alır. Bundan sonra politoloqu ənənəvi şəkildə “erməni dövlətçiliyinin” 5 min illik tarixi, eləcə də onların tək olmadığı, Allahın da onlarla olduğu barədə nağıllar danışır. Bu dəfə isə təkcə Allahla kifayətlənməyərək, ermənilərin yanında Nikol Paşinyanın olduğu və onun oyunu heç də pis oynamadığı barədə danışır...
P.S. Armen Ayvazyan politoloq olsa da, tipik ermənidir. 5 min illik tarix, Allahın onların yanında olması, Azərbaycanın hansısa əraziləri tutmaq niyyəti ilə bağlı iddiaları ancaq xəstə təxəyyülün məhsulu ola bilər. Amma sözsüz ki, iddialarında bəzi həqiqət payı da var. Mövqelərimizin durmadan atəşə tutulması, Yerevanın üçtərəfli razılaşmanın bəndlərini yerinə yetirməkdən imtinası Bakını sərt tədbirlərə əl atmağa vadar edə bilər. Ermənilər isə son hadisələri və qüvvələr nisbətini təhlil edərək, iyrənc oyunlarının çox pis nəticələrə gətirib çıxara biləcəyini anlayırlar.
P.P.S. Azərbaycan son vaxtlar Ermənistanla sərhəddə (həm əsas ərazi, həm də Naxçıvan istiqaməti) güclənməkdə davam edir. Azərbaycan sərhəddə zərbə qruplaşması formalaşdırır!