Xəbər verdiyimiz kimi, Türkiyədə terror hadisəsi baş verib. Qanlı hadisə nəticəsində ölənlər və yarananlar var. Belə həssas dönəmdə media orqanlarında, saytlarda, sosial şəbəkələrdə yalan, dezinformasiyalar yayılmaqdadır. Terror aktlarının məqsədlərindən biri də qorxu və panika yaratmaqdır. Ona görə də paylaşılan hər bir şəkil, hər video bilmədən bu məqsədə töhfə verir.
Dezinformasiyanın intensiv olduğu bu zamanda media rəsmi xəbərləri necə tənzimləmləlidir?
Ednews bu barədə millət vəkili Eldar İbrahimov və Mətbuat Şurasının sədri Rəşad Məcidin fikirlərini öyrənib.
Eldar İbrahimov açıqlamasında jurnalsitlərə yalnız rəsmi xəbərləri yayımlamağı, mənşəyi məlum olmayan informasiyalara inanmamağa çağırıb.
“Arzu edirəm ki, jurnalistlər dezinformasiyalar verməsin. Kim olursa olsun, yalan məlumatlar paylaşılmamalı və buna görə də ciddi məsuliyyət daşınmalıdır. İnsan niyə şər-böhtana əl atmalıdır? Bu saatda Türkiyənin ən həssas dönəmdir. Belə məlumatlara gərək yoxdur. Dövlət də o cür yalan məlumat yayanlara qarşı mübarizə aparır. Ən azı insanıq, belə məsələlərdə diqqətli və həssas yanaşmalıyıq”.
Mətbuat Şurasının sədri Rəşad Məcid qeyd etdi ki, terror hadisəsində Türkiyə hökumətinin qərarı bütün sosial şəbəkələrdə, televiziyalarda bu xəbərin yayılmasına məhdudiyyət qoyulması başa düşüləndir.
“Hesab edirəm ki, bu terroru törətməkdə məqsəd əhali arasında çaxnaşma, xof yatarmaqdır. Sosial mediada da bu videoların paylaşılması məhz buna səbəb ola bilərdi. Buna görə də bu cür məhdudiyyətlərin qoyulmasına təbii baxıram. Eyni zamanda burada dövlət qurumları çevik olmalı və Türkiyənin rəsmi şəxslərinin, rəhbərliyinin hətta Prezidentdən belə vaxtında bu hadisəyə münasibət bildirməsi və məlumat verməsi elə bilirəm ki, bir az o məlumatısızlığı aradan qaldırdı. Belə hadisələr zamanı təmkin göstərmək lazımdır. Türkiyənin rəsmi dairələrinin də bu hadisədəki qərarlarını qənaətbəxş sayıram. Hazırda psixoloji, əsəb müharibəsi gedir. Dünyanın belə bir gərginliyində sosial mediadan da düşmən qüvvələr çox istifadə edirlər”.
Oğuz Ayvaz
