Sudan höküməti vətəndaşlarına qarşı kimyəvi silahdan istifadəni təkzib edib.
Sudan höküməti Darfurda vətəndaşlara qarşı kimyəvi silahdan istifadə edilməsi haqqında yayılan informasiyanı təkzib edib.
Sudanın Azərbaycandakı səfirliyindən "Eurasia Diary"yə verilən məlumatda Sudan Xarici İşlər Nazirliyinin sözçüsü məsələ ilə bağlı bəyanat yayıb.
Beynəlxalq Amnistiya Təşkilatının Sudan ordusunun Darfurda kimyəvi silah istifadə etməsini iddia edən bəyanatı Sudan Respublikası Xarici İşlər Nazirliyini dərindən sarsıdıb. Həm daxili, həmdə xarici rəsmi məlumatlara əsasən, 2003-cü ildə alovlanan Darfur münaqişəsi artıq bitib. 2011- ci ildə yaradılmış Darfur Regional Təşkilatının səlahiyyət müddəti Dohada imzalanmış“Darfurda sülh” sənədinə uyğun olaraq hazırda Darfurda hökm sürən sülh şəraitindən sonra sona çatıb. Doha Sülh sənədinin uğurlu nəticəsi hal-hazırda da bütün beynəlxalq tərəfdaşların və müvafiq Dövlət başçılarının iştirakı ilə bayram kimi qeyd edilir.
Üstəlik 2008- ci ildən bəri UNAMİD-in ( Darfurda BMT-Afrika Birliyi Missiyası) təqribən 17.500 nəfərlik qoşununa insan hüquqlarının pozulması və ya beynəlxalq humanitar qanunvericiliyin pozulmasına müşahidə etmək həvalə olunub. Bu missiya, bu il Təhlükəsizlik Şurasına 5 hesabat təqdim edib. Bu hesabatın heç birində yuxarıda hallanan iddialar yer almır. Müxtəlif beynəlxalq elçilər, həmçinin mütəqil insan hüquqları eksperti və Birləşmiş Ştatların Sudan və Cənubi Sudan üzrə elçisi bizim ölkəmizə avqustda da səfər edib. Onların hamısı yerindəcə müsbət inkişafın şahidi olduqlarını qeyd ediblər.
Sudan 1998 – ci ildən bəri kimyəvi silahdan istifadə edilməsi, istehsalı, toplanmasını qadağan edən Beynəlxalq Konvensiyanın üzvüdür və heç vaxt, heç bir yerdə kimyəvi silah istehsalı ilə məşğul olmayıb və ya heç vax kimyəvi silaha yiyələnməyib.
Bu uydurma iddialar bizə kəşfiyyatın kimyəvi silah istehsal etməsi haqqında yanlış məlumat verməsi sayəsində 1998-ci ildə Şimali Xartumda Al Shifa Eczəxana zavodunun məhv edilməsini yadımıza saldı. Belə ki, sonralar məlumatın səhv olduğu ortaya çıxdı və zavod sahibi lazımi şəkildə kompensasiya edildi.
Xarici İşlər Nazirliyi Beynəlxalq Amnistiya Təşkilatının əsassız və saxta iddialarını tamamilə təkzib edir və həqiqətin olduğu kimi işıqlandırılmasını tələb edir.
Bu kimi iddiaların məqsədi yalnız Sudanın sülh, sabitlik, iqtisadi inkişaf, sosial birlik və barış yolunda səylərinə mane olmaqdır.
Xarici İşlər Nazirliyi butün regional və beynəxalq tərəfdaşlarını Darfurda faktiki hökm sürən sabitliyə əmin olmağa çağırır və Sudanda təhlükəsizlik, sülh və milli barışa nail olmaq üçün hərtərəfli səylərın olduğuna əmin edir.
Xartum
29 Sentyabr 2016
Xarici İşlər Nazirliyinin sözçüsü