Eurasia Diary xəbər verir ki, beynəlxalq kino ekspertlərindən ibarət münsiflər heyətinin rəyi nəticəsində Worldfilm Festival 2018 (Avstralia, 1-31 dekabr) festivalının Ən yaxşı bədii film mükafatına layiq görülmüşdür.
Yarışmada bütün dünyadan olan ölkələin filmləri 5 kateqoriya üzrə iştirak edirdi.
Qeyd edək ki, Şamil Əliyevin “Çölçü” Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında 2012-ci ildə istehsal olunmuşdur. “Çölçü” bədii filmi 5 (beş) qitəni əhatə edərək 41 (qırx bir) Beynəlxalq Kino Festival və forumlarda iştirak etmiş, bir sıra mükafatlara layiq ğörülmüşdür. Bu festivallar A və B kateqoriyalı festivallardır. Festivallar çərçivəsində iştirak etdiyi ölkələrin siyahısına ABŞ, Almaniya, İngiltərə, Avstraliya, Birləşmiş Krallıq, İtaliya, İspaniya, Serbiya, Rusiya, Çexiya, Misir İndoneziya, Hindistan, Türkiyə, Qazaxıstan, Tacikistan, Banqladeş, Ukrayna, Estoniya daxildir.
“Çölçü” filmi 9 (doqquz) Ən yaxşı bədii film mükafatlarına, 3 (üç) dəfə Ən yaxşı rejissor işinə görə, Ən yaxşı ssenari, Ən yaxşı qadın oyunçu, 3 (üç) dəfə Yaradıcılıq axtarışlarına görə jürinin xüsusi diplom və mükafatlarına, Humay milli mükafatına layiq görülmüşdür.
“Çölçü” filmi Antonioni və Tarkovski mükafatlarının nominantı, Jan Lyuk Qodar və İnqmar Berqman (Golden Galaxy Award) mükafatçısıdır.
Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında lentə alınmış “Çölçü” filminin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur.
Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkilib.
“Çölçü” filminin süjeti belədir: Şəhər həyatından uzaqda, təbiətlə ünsiyyətdə gənc çölçü yaşayır. Atası Ulu ona çölçülük həyatının sirlərini öyrədir. Atası vəfat edəndən sonra o, qəsəbədən gəlmiş qızla tanış olur. Bu qızla tanışlıq onun həyatında yeni səhifə açır, böyük, onun tanımadığı dünyaya daxil olur...