Bakı Uşaq Teatrı “Bir teatr, bir festival” layihəsi çərçivəsində 3-cü “Bizim teatr festival”nı “Nəsimi ili”nə həsr edəcək.
Kult.az xəbər verir ki, Azərbaycan Teatr Xadimləri İttifaqının dəstəyilə keçiriləcək və “Nəsimi ili - Nəsimi dili” adlandırılacaq festivalın 2019-cu il aprelin 12-də Aktyor Evində gerçəkləşməsi nəzərdə tutulur.
Festivalda əsasən Bakı Uşaq Teatrının yaradıcı heyəti Nəsimi poeziyasından nümunələrlə çıxış edəcək. Bununla belə, başqa teatrların aktyorları da festivalda iştirak etmək üçün müraciət edə bilərlər.
Xatırladaq ki, Prezident İlham Əliyev 2019-cu ilin “Nəsimi ili” elan edilməsi haqqında sərəncam imzalamışdı.
.jpg)
