"Vətənpərvər" - Azərbaycanın Misirdəki Diaspor Təşkilatları Birliyinin gənc fəalları beynəlxalq festivalda Azərbaycanı təmsil edib.

Misirdə Azərbaycan səfirliyinin və "Vətənpərvər" - Azərbaycanın Misirdəki Diaspor Təşkilatları Birliyinin dəstəyi ilə Misirdə təhsil alan tələbələr tərəfindən, Misirin 6 oktyabr universitetində 12-ci beynəlxalq festivalda Azərbaycan yüksək səviyyədə təmsil olunub.  

Festivalda 36 ölkədən olan nümayəndələr iştirak etmişdir. Bu festivalda gənclər tərəfindən vətənimizin mədəniyyəti, şirniyyatları, adət ənənələri, milli geyimi, tarixi və Qarabağ həqiqətləri təbliğ olunub. Ermənistanın işğalçı ölkə olduğunu sübit etdirən çoxlu sayda kitablar iştirakçılara paylanılıb. Tədbirin təşəbbuskarı Eldar Şərifov, festivalda Azərbaycan bölümünün 10 minlərlə insanın ziyarət etdiyini qeyd edib. Ən böyük maraq milli geyim və ləziz şirniyyatımıza olub. Milli geyimdə olan tələbələrimizlə beş mindən çox qonaq şəkil çəkdirib. Ən maraqlı məqamlardan biri də festivalın böyük səhnəsində tələbələr tərəfindən Azərbaycan dilində mahnı ifa edilməsi olub. Onların fəallığı kütləvi informasiya vasitələrinin diqqətindən yayınmayıb. Onlar iki televizya kanalı və 10 qəzet və xəbər saytlarına müsahibə veriblər. Sonda diaspora gənclərimizə fəxri diplom təqdim olunub.

Birliyin sədri, tədqiqatçı-alim Seymur Nəsirov, son illərdə Aərbaycanı təbliğ etmək məqsədilə mütəmadı olaraq tədbirlərin təşkil oluduğunu qeyd edib. Bu tədbirlərin nəticəsi olaraq Misirdə Azərbaycan həqiqətlərini bilənlərin sayı gündən günə artmaqdadır.