Aİİ-də Azərbaycan Respublikasının Xalq artisti ilə görüş təşkil olunub | Eurasia Diary - ednews.net

18 İyun, Çərşənbə axşamı


Aİİ-də Azərbaycan Respublikasının Xalq artisti ilə görüş təşkil olunub

Mədəniyyət A- A A+
Azərbaycan İlahiyyat İnstitutunda (Aİİ) Azərbaycan Respublikasının Xalq artisti Arif Quliyev ilə görüş keçirilib.
 
Aİİ-nin Dillər və ictimai fənlər kafedrasının müdiri, dosent İlkin Əlimuradov tədbir iştirakçılarını salamlayıb. Gəncliyin sağlamruhlu, savadlı, yüksək mənəvi tərbiyəyə malik olmasının dövlət üçün vacibliyini qeyd edən İ.Əlimuradov tələbələrin intellektual səviyyəsinin, mənəvi dünyasının zənginləşdirilməsi istiqamətində İnstitutun ardıcıl “dəyirmi masa”lar, treninqlər, seminarlar, görüşlər təşkil etməsinin xüsusi önəm daşıdığını vurğulayıb.
 
İ.Əlimuradov görüşün mahiyyətindən bəhs edib və gənclərin inkişafında mütaliənin, yazarlarla ünsiyyətin, sənət adamları ilə görüşün önəmini diqqətə çatdırıb. O, Xalq artistinin həyat və yaradıcılığı barədə ətraflı məlumat verib.
 
Daha sonra çıxış edən Xalq artisti Arif Quliyev düşüncələrini tədbir iştirakçıları ilə bölüşüb. Kino və teatr sahəsində göstərdiyi xidmətlər, çəkildiyi filmlər haqqında məlumat verən Xalq artisti bunların gənc nəslin tərbiyəsində əhəmiyyətli rolu olduğunu bildirib. Müxtəlif səpkili və fərqli xarakterli obrazlar yaratdığını qeyd edən A.Quliyev yaradıcılığında hər zaman insanları güldürüb-düşündürməyi qarşısına məqsəd qoyduğunu etiraf edib.
 
Xalq artisti ali təhsil müəssisəsinin elm və sənət adamları ilə də görüş keçirməsini təqdirəlayiq hal kimi qiymətləndirib.
 
Tədbirin təşkil olunmasında İnstitutun rəhbəriliyinə və iştirakçılarına minnətdarlığını bildirən A.Quliyev yaradıcılıq planlarından danışıb.
 
Görüş tələbələri maraqlandıran suallarla davam edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...