Litvanın cənubunda Druskininkay şəhəri Gənclik Mərkəzində "Sonsuz Dəhliz" sənədli filminin baş prodüseri və rejissoru Aleksandr Brokas BAMF-in Ali Qarabağ mükafatına layiq görülüb.
Aleksandras Brokas göstərdiyi cəsarətə, Qarabağ münaqişəsi və sülhyaratma prosesi haqqında obyektiv məlumatların yayılmasına verdiyi töhfəyə görə BAMF-in prezidenti Umud Mirzəyev tərəfindən mükafatlandırılıb.
Təqdimetmə mərasimi "Sonsuz Dəhliz" sənədli filminin Druskininkay şəhərində nümayişi zamanı baş tutub. Tədbirdə filmin baş qəhrəmanı Riçardas Lapaytis, nümayişin təşkilatçıları, incəsənət xadimləri, qonaqlar, jurnalistlər və tələbələrlə birlikdə ümumilikdə 100 nəfər iştirak edib.
Tədbirin təşkilatçıları Beynəlxalq Avrasiya Mətbuat Fondu (BAMF), Druskininkay şəhər Polisi və Druskininkay Gənclik Mərkəzidir.
Tədbirdə çıxış edən Aleksandr Brokas bildirib ki, film Ermənistan tərəfindən törədilmiş etnik təmizləmə və günahsız insanların qətlə yetirilməsindən bəhs edir.
"Filmin əsas süjet xəttini sağ qalmış insanların verdiyi ifadələr, hərbçilərin və hadisə şahidlərinin danışdıqları təşkil edir. 14-dən çox ölkənin operatorları tərəfindən çəkilmiş film, 4 ildən artıq müddətə ərsəyə gətirilib. "Sonsuz Dəhliz" filmini ingilis dilində məşhur britaniyalı aktyor, Oscar mükafatı sahibi Ceremy Ayrons səsləndirib. İnanın ki, Ayrons bu filmə gərgin əmək sərf edib və hətta bir vergülə belə böyük diqqətlə yanaşıb.
Fürsətdən istifadə edərək, Riçardasla necə tanış olduğumu danışmaq istəyirəm. Çəkilişlər başlayanda mən nə onun haqqında, nə etdiyi, nə də harada yaşadığı barədə heç nə bilmirdim, bilirdim. Yalnız bir azərbaycanlı ilə təhsil alarkən birlikdə təh al. O, öz ölkəsindəə nə baş verdiyini və 90-cı illərin əvvəllərində litvalı jurnalistlərdən birinin Litvada müharibə, Azərbaycan və Dağlıq Qarabağ haqqında yazdığına işarə etdi. Beləliklə addım-addım, aydın oldu ki, bu Riçardas olub. Sonra onun soyadını öyrəndik və onun ünvanını axtarmağa başladıq.
Mənə inandığına və öz gündəliyinə baxmağa icazə verdiyinə görə ona minnətdaram. O, bizə, filmin rejissorlarına, öz yaşadıqlarını əsl xəzinəsi ni açdı. Vurğulamaq istəyirəm ki, o dərhal razılaşmadı. Ümumiyyətlə, başlanğıcda heç kim bu filmdə ağır ruhsal yaralara aldığı üçün çəkilmək istəmirdi! Riçardas bizi sadəliyi və başqalarının ağrılarına vətənpərvər yanaşması ilə qəlbimizi fəth etdi.
2016-cı ildə İndoneziyaya dəvət olunmuşdum və Bali Kralı mənə sülhməramlı işə görə fəxri mükafatla təltif etdi. Aydın idi ki, bu filmin ideyasını İndoneziyadan ABŞ-a kimi bütün auditoriya başa düşüb. Bu filmi artıq planetimizin milyardlarlarla izləyici görüb. Şadam ki, bugün "Sonsuz koridor" filmini Druskininkay şəhərində göstərmək imkanı var. Film çəkilişlərinə verdiyi böyük töhfəyə görə Riçardasa bir daha təşəkkür edirəm".
Bu gün "Sonsuz Dəhliz" filminin Druskininkay şəhərində göstərildiyi üçün çox şadam. Film çəkilişlərinə verdiyi töhfəyə görə Riçardasa bir daha təşəkkür edirəm".
Film Dağlıq Qarabağda (Azərbaycan) kiçik Xocalı şəhərinin faciəvi tarixinin dəhşətlərinə şahid olan Litvalı jurnalist Riçardas Lapaytisə Xocalı hadisələrinin, müharibə əsirlərinin, jurnalistlərin və ermənilərin azərbaycanlıları qətlə yetirməsinin təşkilində birbaşa iştirak edən şəxslərin danışdıqları əsasında çəkilib.
Ekran əsərində bir gecədə 613 mülki şəxsin necə öldürüldüyü ilə bağlı acı reallıqlar əks olunur.
Film ilk dəfə 2015-ci il 1 iyul tarixində Britaniya Film və Televiziya İncəsənət Akademiyasında (BAFTA) nümayiş olunub. "Sonsuz Dəhliz" filmi «Global Film Awards 2015» müsabiqəsində "Böyük nəaliyyətlər" nominasiyasında «Humanitarian Award 2015» mükafatına layiq görülüb. Qeyd edək ki, "Global Film Awards" nüfuzlu Amerika nəşri Accolade Global Film Competition tərəfindən təqdim olunur. Film Madrid və Tenerifedəki beynəlxalq film festivallarında ilin ən yaxşı sənədli filmi və ən yaxşı rejissorluq işi kimi qəbul edilib.
"Sonsuz Dəhliz" filminin təqdimatı Heydər Əliyev Fondunun vitse-prezidenti Leyla Əliyevanın rəhbərlik etdiyi "Xocalıya ədalət!" təbliğat kampaniyası çərçivəsində İstanbul, Ankara, Roma, Vilnüs, London, Paris, Dublin, Berlin, Bern və Lüksemburqda keçirilib.