Amsterdam “Avroviziya”ya ev sahibliyindən imtina etdi | Eurasia Diary - ednews.net

19 Noyabr, Çərşənbə axşamı


Amsterdam “Avroviziya”ya ev sahibliyindən imtina etdi

Mədəniyyət A- A A+

Amsterdam 2020-ci ildə “Avroviziya” mahnı müsabiqəsini qəbul etməyəcək.

Bunu iyulun 5-də Niderland paytaxtının meri Femke Halsem özünün açıq məktubunda bəyan edib.

Onun sözlərinə görə, tədbirin keçirilməsi üçün nəzərdə tutulan “Ziggo Dome” konsert salonundan planlaşdırılan dövrdə istifadə etmək mümkün olmayacaq. Mer deyib: “Yaranmış vəziyyət zalın bron edilməsi ilə bağlıdır. Məsələ əsaslı surətdə araşdırılandan sonra məlum olub ki, tədbiri başqa vaxta keçirmək mümkün deyil”.

Halsem əlavə edib ki, şəhər “Avroviziya” üçün başqa yer tapmağa çalışıb, lakin bu cəhdlər də səmərəsiz qalıb.

“Avroviziya -2020” Niderlandda keçirilməlidir, çünki 2019-cu il müsabiqəsində “Arcade” mahnısı ilə bu ölkənin nümayəndəsi Dunkan Lourens qalib gəlib. Daha əvvəl Haaqa və Breda şəhərləri bəyan ediblər ki, mahnı müsabiqəsinə ev sahibliyi etmək niyyətində deyillər. Odur ki, müsabiqənin keçirilməsi uğrunda beş şəhər mübarizə aparacaq: Rotterdam, Utrext, Hertogenbos, Arnem və Maastrixt. Bu barədə qəti qərar avqust ayında qəbul edilməlidir.

AZƏRTAC

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...