“Mətbuat tarixmizlə bağlı sənədli filmlərin hazırlanmasına ehtiyac var” | Eurasia Diary - ednews.net

10 Dekabr, Çərşənbə axşamı


“Mətbuat tarixmizlə bağlı sənədli filmlərin hazırlanmasına ehtiyac var”

Arif Əliyev: “Yeni dövr mətbuat tariximizin ən zəif öyrənilən dövrüdür”

Mədəniyyət A- A A+

İki gündən sonra Azərbaycan milli mətbuatının yaranmasının 144-cü ildönümüdür.

Mətbuat tariximizin öyrənilməsi məqsədi ilə milli mətbuat tariximizi özündə əks etdirən sənədli filmlərin çəkilməsinə ehtiyac varmı? Bu cür filmlərin çəkilməsi mətbuat tariximizin öyrənilməsi baxımından nə dərəcədə faydalı olardı?

Eurasia Diary xəbər verir ki, moderator.az-a açıqlama verən “Yeni Nəsil” Jurnalistlər Birliynin rəhbəri, media eksperti Arif Əliyev buna çox böyük ehtiyac olduğunu qeyd etdi:

“Əlbəttə, mətbuat tariximizlə bağlı sənədli filmlərin çəkilməsi faydalı olardı. Bizim mətbuatın ən zəif öyrəınilən tarixi nə qədər qəribə olsa da, ən müasir tarixidir. Yeni Azərbaycan mətbuatının təşəkkül tapdığı dövr – 80-ci illərin sonu, 90-cı illərin əvvəlindəki bu dövr olduqca zəif öyrənilib. Bildiyim qədəri ilə bir neçə şəxs son vaxtlar bu dövrün araşdırılmasına başlayıb. İstanbul universitetində də tələbələr bu dövrlə bağlı müəyyən araşdırmalar aparıb. Lakin bizdə bu dövr zəif öyrənilən dövrdür və onun ətraflı tədqiq edilməsinə ehtiyac var.

Bəzi sənədli filmlər çəkilib. Həsən bəy Zərdabidən də film çəkilib. Bakı Mətbuat Klubu da film çəkmişdi. Bir neçə filmlər var. Ayrı-ayrı  jurnalistlərimiz haqqında da belə filmlər mövcuddur. Lakin bunların hamısı fraqment xarakteri daşıyır. Mətbuat tariximizi sistemli şəkildə öyrənmək üçün daha sanballı sənədli filmlərin çəkilməsinə ehtiyac var”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...