Azərbaycanlı aktyorun səhhəti pisləşdi - Ağır xəstədir | Eurasia Diary - ednews.net

10 Dekabr, Çərşənbə axşamı


Azərbaycanlı aktyorun səhhəti pisləşdi - Ağır xəstədir

Mədəniyyət A- A A+

Aktyor Allahverdi Yolçuyevin səhhəti pisləşib. Eurasia Diary axşam.az-a istinadən xəbər verir ki, aktyor ağır Parkinson xəstəliyindən əziyyət çəkir.

A.Yolçuyev bildirib ki, son günlər vəziyyəti lap pisləşib.

O, müalicə üçün maddi imkanının olmadığını vurğulayıb və kömək istəyib.

O, son günlər vəziyyətinin daha da pisləşdiyini söyləyib: "Əllərim, barmaqlarım dayanmadan əsir, həkimlərin diaqnozuna görə, "Parkinson" xəstəliyidir. İki ildir ki, xəstəliyimlə bağlı döymədiyim xəstəxana qapısı qalmayıb. Həkimlərin yazdığı dərmanlar da işə yaramır, səhhətim günbəgün daha da pisləşir. Heç bilmirəm bu xəstəliyin çarəsi Bakıda var, yoxsa yox?"

Aktyor bu xəstəliyin onun işinə də mane olduğunu vurğulayıb: "İş qabiliyyətimi də getdikcə itirirəm. Yalnız aradabir gedib, dublyaja baş çəkirəm. Maddi imkan da o dərəcədə deyil ki, müalicəmi davam etdirim. Tək istəyim tezliklə sağlamlığıma qovuşmaqdır".

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...