"Əlimdən gələni edəcəm ki... - Azərbaycan universitetlərinin dünyanın aparıcı universitetləri ilə əlaqələri genişlənsin" - FOTOLAR | Eurasia Diary - ednews.net

6 Dekabr, Cümə


"Əlimdən gələni edəcəm ki... - Azərbaycan universitetlərinin dünyanın aparıcı universitetləri ilə əlaqələri genişlənsin" - FOTOLAR

Mədəniyyət A- A A+
Azərbaycanın Misirdəki “Vətənpərvər” Diaspor Təşkilatları Birliyinin sədri, tədqiqatçı-alim Seymur  Nəsirov Misir Nümayəndələr Palatasının Din və Vəqflər İşləri Komitəsinin sədri, Misir–Azərbaycan parlamentlərarası dostluq qrupunun rəhbəri, professor Üsəmə əl-Abd İslam Universitetləri Assosiasiyasının baş katibi ilə görüşüb. 
 
Eurasia Diary xəbər verir ki, görüşdə Azərbaycanla Misir arasında bütün sahələrdə əlaqələrin inkişafından söhbət açılıb. Xüsüsilə də son vaxtlar Azərbaycana gələn misirli turistlərinin sayının artması bu inkişafın bariz nümunəsidir. 
 
Professor Üsəmə bildirib ki, “Mən Azərbaycanla Misir arasındakı əlaqələrin inkişafına töhfə vermək niyyətindəyəm. Əlimdən gələni edəcəyəm ki, Azərbaycan universitetlərinin dünyanın aparıcı universitetləri ilə əlaqələri genişlənsin, yaxın gələcəkdə Azərbaycan universitetləri bu böyük beynəlxalq təşkilata üzv qəbul olunsun”, - deyə o əlavə edib.
 
O qeyd edib ki, İslam Universitetləri Assosiasiyasının əsas məqsədlərindən biri də müsəlman ölkələrindəki təhsil ocaqlarını əlaqələndirmək, onların arasında münasibət qurmağa yardım göstərmək, müvafiq tədbirlər keçirməkdir.
 
Qeyd edək ki, bu assosiasiya 1969- cu ildə təsis olunub və baş ofisi Qahirədə yerləşir. Hazırda assosiasiyaya 200 universitet daxildir. Bu qurum bütün dünya universitetləri ilə həm elmi araşdırmalar sahəsində, həm də beynəlxalq konfransların və digər tədbirlərin təşkilində əməkdaşlıq edir.
 
1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...