Rəşid Behbudovun bacısı oğlu Ukraynada dəfn edildi | Eurasia Diary - ednews.net

20 Oktyabr,


Rəşid Behbudovun bacısı oğlu Ukraynada dəfn edildi

Mədəniyyət A- A A+

Ukraynada dünyasını dəyişən Cəfər Behbudov yaşadığı şəhərdə dəfn olunub.

Eurasia Diary Lent.az-a istinadən xəbər verir ki, bu barədə Ukraynadakı Azərbaycan diasporunun lideri Hikmət Cavadov bildirib: “Bu gün ailəsi ilə bu barədə danışdıq. Xanımı ukraynalı olduğundan həyat yoldaşının elə burda dəfn olunmasını istəyirdi. Təbii ki, Bakıya göndərilməsini istəsəydi, biz bu işi təşkil edəcəkdik. İndiki halda onun buradakı müsəlman məzarlığında öz adətimizə uyğun dəfn etdik”.

Hikmət Cavadovun dediyinə görə, Cəfər Behbudov uzun müddət xəstə yatıb: “Əməliyyat olunmuşdu. Qan itirdiyindən ona qan tapılmasında da yardımçı olmuşduq. Bir az da özünə qapanmışdı. Hətta demişdim ki, Bakıya getmək istəsən göndərərik gedib vətəni görüb gələrsən. Demişdi sağalım, gedərəm. Qismət olmadı”.

Xatırladaq ki, Ukraynada yaşayan həmyerlimiz, estrada müğənnisi, Rəşid Behbudovun bacısı oğlu Cəfər Behbudov 80-ci illərdə Azərbaycanda çox populyar idi. Azərbaycan Televiziyasının Estrada orkestrinin solisti olub. Sonradan işdən ixtisara düşüb. O vaxtkı mədəniyyət naziri ona gözləməsini deyib. Cəfər Behbudov müsahibələrində gözləməkdən yorulub vətəndən getdiyini deyib. Bir müddət Kiyevda musiqi ilə məşğul olub. Sonralar Azərbaycan diasporunun “Ən yaxşı səsi” mükafatına layiq görülüb. 28 ildir ki, vətəndən kənarda yaşayan müğənni 68 yaşında vəfat edib. Üç övladı var. Dəfndə Bakıdan gedən bacısı Firuzə Behbudova iştirak edib.

***

Ötən əsrin 80-ci illərində Azərbaycan estradasının önəmli simalarından olan Cəfər Behbudov vəfat edib.

O, 90-cı illərin əvvələrində köçdüyü Ukraynada dünyasını dəyişib.

Qeyd edək ki, Cəfər Behbudov Rəşid Behbudovun bacısı, teatr və kino aktyoru Nəcibə Behbudovanın oğlu idi.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...