Azərbaycanlı rejissor Yakup Sadık Camali "Ağ-qara" jurnalının baş redaktoru Emir Farz Ilahi-nin Fəcr Film Festivalında "Atabəy" filmini Azərbaycan dilində (türk dilində) çəkməsinə görə söylədiyi tənqidlərə cavab verdi.
Eurasia Diary xəbər verir ki, "Koroğlu" tamaşasının rejissoru olan Camali instagram hesabından Əmir Fərz İlahini Təbrizə dəvət etdi:
"Hörmətli jurnalist!
Xaricdəki səyahət xərclərinizi ödəyirəm! Təbrizə gəlin və 'Koroğlu' tamaşasında türklərin mədəniyyət, zənginlik və sənət ilə necə zəngin olduqlarını bir az görün!
"Atabəy" filmində gördükləriniz "Koroğlu" tamaşasında görəcəyiniz azərbaycanlıların mədəni və bədii ölçüsünün yalnız kiçik bir hissəsidir. Elə isə səsinizi kəsin və səyahət xərclərinizi ödəmək üçün hesab nömrənizi göndərin! "
Qeyd edək ki, Emir Farz İlahi Fəcr Film Festivalında türk dilində çəkilən "Atabəy" filmni tənqid edərək, "İranda heç kimin türk filmlərini çəkməyə haqqı yoxdur" -demişdi.
"İranın rəsmi dili fars dilidir. Bu hansı filmdir ki, izləyiciləri onu farsca alt yazıları ilə izləməlidirlər!"
"Atabəy" filminin rejissorunun xanımı Niki Kərimidən cavab olaraq "Ölkədə çəkiləcək bütün filmlərin fars dilində olmasını kim söylədi?"
Filmin ssenaristi və aktyoru Hadi Hicazifər də etirazını bildirdi:
'Sizin və başqalarının türk dilini təhqir etmək hüququnuz yoxdur və konstitusiyamıza görə, ölkəmizdə də Türk dili tədris dili olmalıdır. İranda ayrı düşüncələrin formalaşması sizin kimi faşistlərə görədir”.
