“XOCALI - ŞƏHİD ŞƏHƏR” adlı rəsm sərgisi keçirildi - FOTOLAR | Eurasia Diary - ednews.net

9 Aprel, Cümə axşamı


“XOCALI - ŞƏHİD ŞƏHƏR” adlı rəsm sərgisi keçirildi - FOTOLAR

Mədəniyyət A- A A+

Bu gün Xətai Sənət Mərkəzində “XOCALI - ŞƏHİD ŞƏHƏR” adlı Respublika uşaq rəsm sərgisi keçirilib.

Sərgi Azərbaycan Respublikasının Mədəniyyət Nazirliyi, Azərbaycan Respublikasının Təhsil Nazirliyi, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə XX əsr tarixinə “Əsrin genosidi” kimi daxil olmuş Xocalı soyqırımı qurbanlarının xatirəsini yad etmək və qan yaddaşımıza əbədi həkk olunmuş soyqırımı hadisəsini unutdurmamaq məqsədi ilə təşkil edilib.

Eurasia Diary bildirir ki, sərgiyə Respublikamızın müxtəlif guşələrindən 700-dən çox uşaq, 1300-ə qədər əsəri ilə virtual qaydada qatılıb.
 
Tədbirə 225 uşağın hər birindən bir əsər olmaqla sərgilənmək üçün dəvət olunub.
 
Həmçinin yekun sərgidə tanınmış rəssam Azərbaycan Rəssamlıq Akademiyasının müəllimi Cəlal Ağayev özünün sərginin adı ilə eyni adlı “Şəhid şəhər” əsəri ilə təmsil olunub.
 
Sərginin yekun sərgisində Lənkəran Şəhər Uşaq Rəssamlıq məktəbi, 4 nömrəli Uşaq İncəsənət məktəbi, 2 saylı İncəsənət məktəbi, Şamaxı Şəhər İncəsənət Təhsili Mərkəzi Rəssamlıq şöbəsi, H.Abbasov adına Maştağa Mədəniyyət mərkəzi, 1 nömrəli Uşaq Gənclər İnkişaf mərkəzi, 147 saylı texniki humanitar lisey, 2 nömrəli Uşaq Gənclər İnkişaf mərkəzi, Sumqayıt şəhər 1 nömrəli Uşaq Gənclər İnkişaf mərkəzi, Hədəf Liseyi, Masallı r. Onbirillik İncəsənət məktəbi, Abşeron Buzovna art studio, Xətai Uşaq Rəsm Yaradıcılıq Studiyası, 108 nömrəli tam orta məktəb, Bilender tədris mərkəzi-Raziyaart, ƏSRA tədris mərkəzi, Gəncə ş. Uşaq Incəsənət məktəbi, Respublika Uşaq Gənclər İnkişaf Mərkəzi və s. rəssamlıq dərnəkləri daha çoxluqla təmsil olunublar.
 
Sərgidə nümayiş üçün seçilən işlərin müəllifləri diplomla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunublar.
 
Sərgidə iştirak etmək üçün www.xsm.az saytında tədbirlər bölümündəki “Şəhid şəhər” afişasına toxunmaqla və ya http://xsm.az/site/sehidseher/ linkinə daxil olub 1 və ya 2 əsərinin fotosunu daxil etməklə göstərilən anketi doldurmaqla qatılıblar.
1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...