Azərbaycan səfirliyi gürcü müğənnini təltif edib - ednews.net

21 Yanvar, Cümə

Azərbaycan səfirliyi gürcü müğənnini təltif edib

Mədəniyyət A- A A+

Azərbaycan mahnılarından ibarət albom hazırlayan Gürcüstanın tanınmış müğənnisi Veriko Turaşvili təltif edilib.

EDNews.net xəbər verir ki, Azərbaycanın bu ölkədəki səfiri Faiq Quliyev ifaçıya səfirliyin adından təşəkkürnamə təqdim edib.

V.Turaşvili təşəkkürnaməyə 8 Noyabr – Zəfər Günü ərəfəsində Gürcüstanda keçirilən tədbirlərə verdiyi dəstəyə görə layiq görülüb. İfaçı diqqətə görə Azərbaycan səfirliyinə minnətdarlığını bildirib.

Səfir gürcü müğənniyə Azərbaycan musiqisinə xüsusi rəğbətinə görə təşəkkür edib.

Görüşdə V.Turaşvilinin albom layihəsinin reallaşdırılması məsələsi də müzakirə olunub.

Qeyd edək ki, ifaçı albom üçün ilk üç mahnını – Azərbaycanın xalq mahnıları – “Laçın” və “Sarı gəlin”i və Niyazinin “Arzu” romansını artıq yazdırıb. Mahnıların gürcü versiyası da hazırlanıb. Xalq mahnılarımızın ilk təqdimatı Azərbaycan səfirliyinin Tbilisidə ötən ayın əvvəlində keçirdiyi rəsmi qəbulun konsert proqramı hissəsində baş tutub. Hər iki mahnıya videokliplərin Qarabağda çəkilməsi ilə bağlı danışıqlar aparılır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...