Aktyor Bred Pitt bildirb ki, arvadı Ancelina Colinin boşanma ərizəsinə görə "çox məyusdur" və o, şəxsi həyatlarına hörmətlə yanaşılmasını istəyib.
"Buna görə çox məyusam, lakin indi hər şeydən vacib uşaqlarımızın həyatıdır," aktyor "People" jurnalına deyib.
"Mən mediadan xahiş edirəm ki, belə bir çətin vaxtda onları rahat buraxsınlar".
Bazar ertəsi 41 yaşlı Coli aralarındakı ciddi fərqlərə görə 52 yaşlı Pitt-dən boşanma ərizəsi ilə müraciət edib.
Onun vəkili Robert Offer bildirib ki, qərar "ailənin rifahı üçün" verilib.
Boşanmanın səbəbləri ilə bağlı ziddiyyətli məlumatlar var. Bu barədə xəbər verən qəzetlərdən birinin bildirdiyinə görə Coli "Pitt-in valideynlik bacarığından narazıdır".
Xanım Colinin meneceri Geyser Kosinski "E! Online" saytında danışıb: "Ancelina həmişə ailəsinin maraqlarına xidmət edəcək".
Cütlük Colinin yazdığı və rejissoru olduğu 2015-ci ildə çəkilmiş "Dəniz Kənarında" filmində birgə iştirak ediblər
"Brangelina" ləqəbini qazanmış Pitt və Coli 2014-cü ildə evləniblər. Onlar 2005-ci ildə çəkilmiş "Mr və Mrs Smith" filmindən bəri bir yerdədirlər.
Bu Bred Pittin ikinci evliliyidir. Bundan öncə o, aktrisa Cennifer Aniston ilə evli idi.
Ancelina Coli isə aktyor Billy BobThornton və Jonny Lee Millerdən sonra üçüncü dəfədir ki, evlənmişdi.
