Xəqani Abdullayev Azərbaycan Mərkəzi Bankının (AMB) İdarə Heyətinin üzvü vəzifəsini tərk edib.

Bu barədə Trend-ə Mərkəzi Bankdan bildirilib. Qeyd olunub ki, o öz istəyi ilə postundan gedib.

Xatırladaq ki, X.Abdullayev 2010-cu ilin aprelindən bu vəzifədə çalışırdı.

Hazırda AMB-nin İdarə Heyətinin tərkibi 4 nəfərdən ibarətdir: sədr Elman Rüstəmov, birinci müavin Alim Quliyev, müavinlər Vadim Xubanov və Aftandil Babayev.

***

09:57

Azərbaycan Mərkəzi Bankının (AMB) İdarə Heyəti sədrinin müavini Xəqani Abdullayev vəzifəsindən azad olunmasına münasibət bildirib.

X. Abdullayev APA-ya açıqlamasında bildirib ki, vəzifəsindən öz xahişi ilə azad olunub.

Yeni iş yerinə gəlincə, mütəxəssis qeyd edib ki, hazırda tanınmış xarici şirkətlərdən birində məsləhətçi kimi çalışır. X. Abdullayev şirkətin adını açıqlamaq istəməyib.

Qeyd edək ki, prezident İlham Əliyev Xəqani Abdullayevin AMB sədrinin müavini vəzifəsindən azad olunması ilə bağlı sərəncam imzalayıb.

Xəqani Abdullayev Azərbaycan Mərkəzi Bankı (AMB) sədrinin müavini vəzifəsindən azad olunub.

Prezident İlham Əliyev bununla bağlı avqustun 1-də sərəncam imzalayıb.