Bir çox dövlətlər son zamanlarda və keçmiş tarixdə də beynəlxalq ticarətin dollardan olan asılılığının qarşısını almaq üçün bir sıra bəyənatlar yayıb. Qeyd edək ki, beynəlxalq ticarətin 60%-i dollar ilə həyata keçirilir və bu dolların ən dominant valyuta olmasını göstərir.

Türkiyə prezidenti Rəcəb Tayyib Ərdoğan

Türkiyə lideri Ərdoğan Çin, Rusiya və Ukrayna ilə olan ticarətin milli valyutalarla aparılmasını dəstəkləyib.

“Biz tədricən dollar monopoliyasının qarşısını milli valyutaların işlənməsi ilə almalıyıq”, Ərdoğan Qırğızıstanda keçirilən biznes forumda söyləyib.

“Amerika ac canavarlar kimi davranır, biz ona inana bilmərik. Dollardan istifadə bizə yalnız ziyan vura bilər, biz təslim olmamalıyıq, biz qələbə çalacayıq”.

Rusiya prezidenti Vladimir Putin

Yaxın günlərdə Rusiya öz milli sərvətini daha çox yuan və qızıl ilə saxlamağa başlayıb. “Bütün dünya dollar monopoliyasını özlərinə qarşı təhlükə hesab edir.” Vladimir Putin söyləyib. Bizim qızıl və valyuta ehtiyatlarımız diversifikasiya edilir və biz bunu davam etdirəcəyik", deyə o əlavə edib.

İyul ayında çıxışı zamanı Rusiyanın dollardan imtina etmək planının olmamasını bildirsə də, ABŞ-ın bu valyutadan siyasi məqsədlər üçün istifadəsindən narahatlığını bildirmişdi.

Venesuela prezidenti Nikolas Madura

Venesuela prezidenti ölkəsinin ABŞ dollarından azad etməyi və başqa valyutalardan istifadəni planlaşdırdığını bildirib.

“Venesuela yeni valyuta sistemindən ödəmələrdə istifadə edərək dollardan azad olmağı planlaşdırır”, deyə Madura söyləyib və ölkəsinin rus rublu, yen, yuan və avrodan istifadə edəcəyini açıqlayıb.

İranın sabiq prezidenti Mahmud Əhməd Necat

İranın keçmiş prezidenti Mahmud Əhməd Necat “Beynəlxalq ticarətdə və qlobal bazarlarda dolların dominantlığı Amerika imperiyasının əsas gücüdür”, deyə o twitter səhifəsində paylaşıb.

Cənubi Afrika Respublikasının prezidenti Siril Ramafosa

Siril Ramafosa Afrika Kontinental Azad Ticarət Zonası biznes forumunda açıqlama verib: “Biz müstəmləkə düşüncəsindən azad olmalıyıq, başqa valyutalara etibar etməliyik. Bu bizi vahid Afrika valyutasının yaradılmasına sövq edir”.

Fransa prezidenti Şarl de Qol

Fransanın dahi lideri Şarl de Qol 1965-ci ildə mətbuat konfrasında beynəlxalq arenada dollardan istifadənin məhdudlaşdırılmasının vacibliyini bəyan etmişdi.