Amerika qrupu "Michael Kors” 1,83 milyard avroya (2,12 milyard ABŞ dolları) "Versace” modalar evini aldı.
Eurasia Diary Bloomberg agentliyinə istinadən xəbər verir ki, "Michael Kors” İtalyan moda evi "Gianni Versace SpA”ın dövriyyədə olan 1,83 milyard avro dəyərində bütün səhmlərini əldə edib.
"Versace" modalar evi 1978-ci ildə Canni Versaçi tərəfindən yaradılıb. Öz evinin qarşısında 1997-ci ildə güllələndikdən sonra onun işini kiçik bacısı Donatella davam etdirib.
Qeyd edək ki, "Michael Kors” Amerika geyim, ayaqqabı, parfyumeriya və aksesuar brendidir. 1981-ci ildə Maykl Kors tərəfindən yaradılıb.