Turizm sektorunda əməkdaşlıq perspektivlərini müzakirə etmək məqsədilə fevralın 14-də Meksikanın Azərbaycandakı səfiri Rodriqo Labardini Azərbaycan Respublikası Dövlət Turizm Agentliyinin sədri Fuad Nağıyev və Azərbaycan Turizm Bürosunun Baş İcraçı Direktoru Florian Zengstşmid ilə görüşdü.

Görüşdə Azərbaycan tərəfi turizm sahəsində ikitərəfli əməkdaşlığı genişləndirmək və Meksikanın müvafiq qurumları ilə əlaqələri qurmaqda maraqlı olduğunu bildirdi. Eyni zamanda, Turizm Agentliyi və Bürosunun fəaliyyəti və son illərin statistik göstəriciləri təqdim olundu. Qeyd olundu ki, Azərbaycanda turizm infrastrukturun mövcudluğu sektorun inkişafına töhfə verir, bu isə, öz növbəsində çoxsaylı xarici ziyarətçiləri cəlb edir.

Səfir Labardini, öz növbəsində, 2017-ci ilin rəqəmlərinə əsasən 39 milyondan çox turist qəbul edən və Meksikanın dünyanın ən çox ziyarət olunan altı ölkəsindən biri olduğunu qeyd edərək, ölkəsinin turizm potensialından söz açdı. Əlavə etdi ki, hazırkı il üçün turist sayının 42 milyona çatacağı ehtimal olunur. Bundan əlavə, Meksikanın bir neçə turizm növünü təklif etməsini vurğuladı: mədəni, tarixi, arxeolojı, qastronomik, romantik, tibbi, macəraçı və s. Turizm sektoru milli ÜDM-un 9%-i təşkil edir.

Meksikaya gələn turistlərdə yalnız məkanda deyil, zamanda da səyahət imkanı yaranır: ispanlara qədərki dövrə aid abidələr, müstəmləkə şəhərləri, müasir meqapolislər, yerli xalqların mədəniyyəti və daha çox şeyləri tanımaq.

Ziyarətçilər Sehrli Kəndləri, eyni zamanda Bəşəriyyətin Qeyri-Maddi Mədəni İrsini təşkil edən elementləri kəşf etmək imkanı əldə edirlər. Meksika turizminin cəlbedici amilləri sırasında, həmçinin, musiqi, mətbəx, ədətlər, yarmarkalar və bayramlar yer alır. Təbiət zənginliyi və biomüxtəliflik istirahəti flora və fauna ilə canlı və birbaşa bağlantıya çevirir. İki okeana – Atlantik və Sakit – çıxış dəniz mənzərəsini seçənlər üçün bir üstünlükdür. Meksika sahillərinin ümumi uzunluğu 11 min km təşkil edir, bu isə dəniz mənzərəsi və heyrətamiz çimərlikləri sevənləri cəlb edir.

Görüşün sonunda tərəflər razılaşdılar ki, təcrübə mübadiləsi hər iki ölkədə turizmin inkişafına töhfə verəcək.