Gürcüstan Azərbaycandan dizel idxalını dayandırır | Eurasia Diary - ednews.net

10 Dekabr, Çərşənbə axşamı


Gürcüstan Azərbaycandan dizel idxalını dayandırır

İqtisadiyyat A- A A+

Gürcüstan Azərbaycandan dizel idxalını dayandıracaq.

Eurasia Diary APA-ya istinadən xəbər verir ki, bu barədə Gürcüstan Neft İdxalçıları Birliyinin təşkil etdiyi seminarda bildirilib.

Qeyd olunub ki, 1 yanvar 2020-ci ildən etibarən Gürcüstanda “Avro-4” standartlı dizel yanacağının istifadəsinə qadağa qoyulacaq. Həmin tarixdən etibarən ölkədə yalnız “Avro-5” standartlarına cavab verən dizelin istifadəsinə icazə veriləcək.

Bu səbəbdən Gürcüstan Azərbaycandan dizel idxalını dayandıracaq. İdxalda yeni alternativin Rusiya olduğu bildirilir.

İclasda qeyd olunub ki, hazırda Gürcüstan üçün dizel yanacağının əsas tədarükçüsü Azərbaycandır, lakin Azərbaycandan əlavə Rusiya, Rumıniya və Bolqarıstan da vacib tədarükçülərdir. Qeyd olunub ki, hələlik gələn il üçün əsas tədarükçünün kim olacağı müəyyənləşdirilməsə də, Rusiyanın seçilməsi məntiqli olacaq. Buna səbəb Rusiya məhsulunun daha asan və nisbətən ucuz şəkildə təmin etməsi göstərilib.

İclasda iştirak edən “SOCAR Georgia” şirkətinin baş direktoru Levan Giorqadze bildirib ki, Azərbaycan 2021-ci ildən etibarən “Avro-5” standartlarına cavab verən dizelin istehsalına başlayacaq.

İclasda həmçinin qeyd olunub ki, Azərbaycandan idxal olunan məhsullar Rusiya məhsullarına nisbətən orta hesabla 15 tetri ucuzdur.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...