Ermənistan parlamentinin 88 üzvdən ibarət “Mənim addımım” fraksiyasında 23 qadın var. Fraksiyadakı 65 kişidən 29 nəfəri, demək olar ki, yarısı hərbi xidmətdən azad olub.
Eurasia Diary xəbər verir ki, Parlamentdəki sayına görə 2-ci olan “Çiçəklənən Ermənistan” fraksiyasının deputatlarından 5 nəfəri qadın, 21 nəfəri kişidir, bu kişi deputatlardan da 5 nəfər hərbi xidmətə getməyib. Ən kiçik parlament fraksiyası olan “İşıqlı Ermənistan” fraksiyasının 18 deputatından 4 nəfəri qadın, digər 14 nəfər kişi deputatdan 4 nəfər xidmət etməyib.
“Razılaşın, kədərli bir mənzərə yaranıb. Ermənistan Respublikası vətəndaşlarının həyatının dövlət quruculuğunu asanlaşdıran qanunlar yazmaq vəzifəsini öz üzərinə götürən insanlar, adi vətəndaşlar kimi, özləri üçün dövlət qarşısında borc verməkdən çəkiniblər. Onlar, bir kişi kimi bunu həyatlarının ən vacib vəzifəsi hesab etməyiblər. Axı hərbi xidmət təkcə dövlət qarşısında deyil, həm də yerinə yetirilməli olan öz vicdanı ilə bağlı bir borcdur. Ancaq, əslində, sakit vicdanla (istər sağlamlıq, istər təhsil, istərsə də digər mümkün səbəblərdən) ordudan yayınan və indi vətənpərvərlik, qürurla ölkənin inkişafına və sairə ilə bağlı fikirlərini söyləyən insanlar var”, - deyə Ermənistanın “Joğovurd” qəzeti yazıb.
