Türkiyənin Qara dənizdə kəşf edilən 320 milyard m3 həcmində olan yeni qaz yatağının dəyəri hazırki qiymətlərlə ölçüldükdə təxminən 80 milyard ABŞ dolları edir. Eurasia Diary Beynəlxalq Enerji Agentliyinin sədri Fatih Birolun Türkiyənin Anadolu Agentliyinə açıqlamasına istinadən xəbər verir.
Birol bu tapıntını beynəlxalq səviyyədə “nəhəng” adlandıraraq Norveçin Şimal dənizində 2010-cu ildən bəri apardığı axtarışlarla müqayisədə söyləyib.
Qaz yatağından istehsal üçün 6 milyard dollar həcmində maliyyə vəsaiti tələb olunur və bu 2023-cü ilə hədəflənir.
Türkiyədə Neft və qaz sənayesinin ağır bir zamanında bu yatağın kəşfi ölkə üçün böyük önəm kəsb edir.
“Bu sahəyə investisiya qoyuluşu olmadığı üçün neft servislərində və mühəndislik şirkətlərində çalışan minlərlə insan işsiz qalıb. Beləliklə, Türkiyənin kəşfi bu şirkətlərlə potensial əməkdaşlıq danışıqlarında çox güclü olmasına imkan yaratmaq üçün çox yaxşı bir vaxta təsadüf edib", Birol söyləyib.