Bu ilin aprelin 1-nə Azərbaycanın strateji valyuta ehtiyatları 49 117,5 mln. ABŞ dolları təşkil edib.
"APA-Economics"in Azərbaycan Respublikası Dövlət Neft Fondu (ARDNF) və Azərbaycan Mərkəzi Bankının (AMB) məlumatları əsasında apardığı hesablamalarına görə, bu göstərici ilin əvvəlindən 1,6% azalıb. Beləliklə, ehtiyatlar 2020-ci ilin ÜDM-nin 115,3%-nə bərabər olub.
Xatırladaq ki, cari ilin 29 yanvar tarixində faiz dəhlizinin parametrlərinə dair onlayn mətbuat konfransında çıxış edən AMB sədri Elman Rüstəmov bildirmişdi ki, Azərbaycanını strateji valyuta ehtiyatları yanvarda 0,3% artaraq 51,4 mlrd. dollara çatıb.
Qeyd edək ki, Asiya İnkişaf Bankının yenilənmiş proqnozlarına əsasən, bu ilin sonuna Azərbaycanın strateji valyuta ehtiyatları 0,4% artaraq 50,1 mlrd. ABŞ dollarına çatacaq.
