Bank kreditlərinin faiz dərəcəsinin aşağı salınması nə VƏD EDİR? - İqtisadçıdan AÇIQLAMA - ednews.net

1 İyul, Cümə

(+994 50) 229-39-11

Bank kreditlərinin faiz dərəcəsinin aşağı salınması nə VƏD EDİR? - İqtisadçıdan AÇIQLAMA

İqtisadiyyat A- A A+

Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında iqtisadiyyat nazirinin müavini Sevinc Həsənova bildirib ki, bank sektoru iqtisadi inkişafa öz təsirini göstərməlidir. Dövlət kreditlərin aşağı faizlərlə verilməsi üçün müdaxilə edəcək.

Nazir müavini həmçinin qeyd edib ki, ərzaq məhsulları idxal edənlərə subsidiyalarla güzəştli kreditlərin verilməsi mexanizmləri hazırlanır. Məsələ ilə bağlı ekspert Əkrəm Hüseynov bildirdi ki, bu yalnız Kənd Təsərrüfatı yəni ərzaq sahəsinə aiddir.  

“Düşünürəm ki, bu yalnız ərzağın qiymətlərinin artmamasına yönəlib. Buna bötövlükdə qlobal faiz endirimi demək olmaz. Ölkəmizdə faiz azalması dedikdə ilk növbədə iki addım atılmalıdır. Birincisi bankların özlərinin ucuz vəsaitinin olmamasıdır. Onlar pulu baha əldə edirlərsə necə ucuz kredit verə bilərlər ki?”

İqtisadçı bu cür halın yaşamasının digər səbəbindən də danışdı. O, qeyd edib ki, bankların yüksək faizlə kredit verməsinə əsas səbəblərdən biri  Mərkəzi bankın bütün banklara bərabər həcmdə kredit verməməsi halıdır.

“Bu gün Mərkəzi Bankın uçot dərəcəsi 7,75 faizdir. Həmin dərəcə ilə Mərkəzi Bank banklara kredit versə, bazarda kredit faizləri düşəcək. Çünki bütün banların ucuz vəsaitə olacaq. Ancaq hazırda sözügedən faiz azalması Kənd Təsərrüfatına aiddir, bu isə ərzaq qiymətlərinin çox artmasının qarşısını alacaq”.

Qeyd edək ki, Sevinc Həsənova bunun antiinflyasiya tədbirlərinə öz töhfəsini verəcəyini bildirib.

 

Ləman Abbaslı

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...