“Məktəblərin qazlaşdırılması ilə bağlı daimi olaraq Təhsil Nazirliyinin birgə əməkdaşlığı çərçivəsində işlərimiz davam etdirilir. Bu gün də proseslər gedir. Hər hansısa problem yaranarsa operativ şəkildə həll olunur". 

Ednews xəbər verir ki, bu fikirləri “AZƏRİQAZ” İB-in baş direktoru Ruslan Əliyev bu gün keçirilən “Açıq qapı” aksiyası zamanı media nümayəndələri ilə  görüşü zamanı deyib. O, açıqlaması zamanı, digər problemlərdən də danışıb.

“Digər yerlərdə də işlər tək Azəriqazın səlahiyyətində olan iş deyil. Bütün görülən işlər-qazanxananın tikilməsi olsun, aparatların yerləşdirilməsi olsun hər biri komplekt aparılan tədbirlərdir. Qaldı ki, strateji obyektlərə, onlar üçün layihə olmalıdır və bu müvafiq qurumlar tərəfindən razılaşdırılmalıdır, bu isə tam olaraq Azəriqaz İB-nin səlahiyyətində deyil”. 

Qeyd edək ki, “AZƏRİQAZ” İB-də növbəti “Açıq qapı” aksiyası baş tutub. "Facebook" sosial şəbəkəsi üzərindən canlı yayımlanan aksiyada media və QHT nümayəndələrinin, vətəndaşların sualları baş direktor Ruslan Əliyev tərəfindən cavablandırılıb.  Həmçinin o, “Azəriqaz” İB-nin fəaliyyəti ilə bağlı keçirilən sorğunun nəticəsi haqqında mühüm məqamları açıqlayıb.

Ləman Abbaslı