“Ölkəmizdə istehlak bazarında qiymət artımı yalnız idxal hesabına olsaydı, o zaman düşünmək olardı ki, həmin dövlətlərdə qiymət stabilliyi yaranan kimi bizdə də qiymət artımı dayanacaq”.

Bu sözləri Ednews-a iqtisadçı ekspert Məmməd Talıblı son vaxtlar artan süni qiymət artımları ilə bağlı fikir bildirərkən deyib.

“Poblem orasındadır ki, ölkəmizdə istehlak bazarındakı qiymət sıçrayışları 2 kanaldan qidalanır. Bunun birincisi, idxal inflyasiyası hesabına baş verir.

İkincisi, istehsal üzərində ciddi inhisarçılıq mövcud olduğu üçün qiymət artımları qaçılmaz olur. Bazar payları böyük olan iri şirkətlər, o cümlədən “Azərsun”  holdinq kimi şirkətlər inhisar mövqelərindən istifadə edərək yüksək qiymət artımları diktə edirlər”.

M.Talıblı sonda bunları bildirib:

“Bu qiymət artımları spiralvari olaraq baş verir. Hansısa mal pozisiyaları üzrə epizodik qiymət artımları baş vermir. Kütləvi ərzaq məhsulları üzrə demək olar ki, 15-20% səviyyəsində qiymət artımı baş verir. Ötən ilin 1 litrlik "Möcüzə" yağını 2,2 manata almaq mümkün idisə, hazırda həmin yağı 6 manata almaq olur. Bu faizlərlə deyil, dəfələrlə qiymət artımlarının deməsi deməkdir.

Qiymətlərin qarşılılıqlı təsir mexanizminə görə, bu qiymət artımları bir az da güclənə bilər. Lakin dövlətin iqtisadi xətti qurumları bu proseslərdə müşahidə mövqeyindən çıxıb requlyator olaraq bazarda özünün təsir alətlərindən istifadə etməlidir ki, istehlahlakçıları bazarın sərt təzyiqindən qoruya bilsin”. 

Oğuz Ayvaz