İstanbulda Azərbaycan-Türkiyə 2-ci Enerji Forumu keçiriləcək - ednews.net

4 Dekabr,

(+994 50) 229-39-11

İstanbulda Azərbaycan-Türkiyə 2-ci Enerji Forumu keçiriləcək

İqtisadiyyat A- A A+

Cari ilin 5-6 oktyabr tarixlərində Türkiyənin İstanbul şəhərində Azərbaycan-Türkiyə 2-ci Enerji Forumu keçiriləcək. 

Ednews Bizim.Media - ya istinadən xəbər verir ki, iki gün davam edəcək Forumun birinci günündə karbohidrogen və neft-kimya məhsulları, bərpa olunan enerjidən istifadə və enerji səmərəliliyi, elektrik enerjisi bazarı, elektrik enerjisinin paylanması və ötürülməsi, həmçinin enerji tənzimləmə istiqamətləri üzrə fəaliyyət göstərən birgə işçi qruplarının iclasları keçiriləcək.

Tədbirin ikinci günündə isə Azərbaycanın energetika naziri Pərviz Şahbazov və Türkiyənin energetika və təbii sərvətlər naziri Fateh Dönməz də daxil olmaqla bir sıra yüksək vəzifəli şəxslərin çıxışları, həmçinin Forumun yekunlarına dair protokolun imzalanması nəzərdə tutulur. 

Qeyd edək ki, Azərbaycan-Türkiyə Enerji Forumu iki ölkə arasında iqtisadi əməkdaşlıq üzrə birgə Hökumətlərarası Komissiya çərçivəsində strateji enerji əməkdaşlığının daha da möhkəmləndirilməsi məqsədilə təsis edilib və ilk Forum 21-22 dekabr 2021-ci il tarixində Bakı şəhərində keçirilib.



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...