Qəza nəticəsində fəaliyyəti dayandırılan Şimal Axını boru kəmərlərinin təxribat nəticəsində partlayışa məruz qaldığı iddia edilir. Bu haqda məlumatı İsveçin prokurorluğu yayıb.
Məlumatda deyilir ki, müstəntiqlər zədələnmiş boru kəmərlərinin yanında partlayıcı maddələrin izlərini aşkar ediblər və bu, kobud təxribatın baş verdiyini təsdiqləyib.
Ednews xəbər verir ki, hazırda İsveç və Danimarka rəsmiləri Rusiya və Almaniyanı Baltik dənizi ilə birləşdirən və Ukrayna böhranında alovlanma nöqtəsinə çevrilən Şimal Axını 1 və 2 boru kəmərlərindəki yaranan dörd dəliyi araşdırır.
Danimarka tərəfi bildirib ki, ilkin araşdırmalar sızmaların güclü partlayışlar nəticəsində baş verdiyini göstərir. İsveç Prokurorluğu da eyni fikiri təsdiq edib.
Qeyd olunub ki, hazırda partlayıcının kim tərəfində qoyulduğu müəyyənləşdirilir.
Məsələnin daha dərindən şərhinə gəlincə, Prokurorluq mediaya əlavə açıqlama verməkdən imtina edib.
Elnur Ənvəroğlu